သမိုင်းဝင် မြတ်မိုဃ်းကောင်းဘုရားကြီး၏ စနေနှင့်ကြာသပတေးအရပ်တွင်ဂန္ဓကုဋိကျောင်းတော်ရှိပါသည်။ဂန္ဓကုဋိတိုက်တော်အတွင်းရှေးကျသောအနုပညာ ပန်းခက်လက်ရာများကို မြင်တွေ့နိုင်ပြီး သပ္ပာယ်စွာ သီတင်းသုံးထိုင်နေတော်မူသည့်ကျောက်ဆင်းတုထိုင်တော်မူ ဘုရားကို မူးမြင်တွေ့နိုင်ပါသည်။ ဂန္ဓကုဋိတိုက်တော် အတွင်း ထိုင်တော်မူ လက်ဝဲ၊ လက်ယာ တစ်ဆူစီနှင့်ရှေ့မျက်နှာစာတွင်ကျောက်ဆင်းတုထိုင်တော်မူနှစ်ဆူကိုလည်း ဖူးတွေ့နိုင်ပါသည်။ ဂန္ဓကုဋိတိုက်ကျောင်းအတွင်း ဆင်းတုတော်စုစုပေါင်း (၅)ဆူကို သပ္ပာယ်ကြည်ညိုဖွယ်ရာ ဖူးတွေ့နိုင်ပါသည်။ဂန္ဓကုဋိတိုက်အတွင်းရှိ ထိုင်တော်မူ ဗုဒ္ဓဆင်း တုတော်၏ အပေါ်မျက်နှာကျက် တွင် ဝိဇ္ဇာပုဂ္ဂိုလ် ရှင်မထီးဆရာတော်မှ ကြီးမှူး၍ ရှေးမင်းများ တည်ထားတော်မူခဲ့သည့် မြတ်မိုဃ်းကောင်းစေတီတော် မြတ်ကြီး၏ ထီးတော်အဟောင်းကို ဌာပနာပြုလုပ်၍ ဂန္ဓကုဋိတိုက်ကျောင်းအမိုးပေါ်တွင် ထပ်ဆင့်၍ စေတီတော်တစ်ဆူကို တည်ထားပူဇော် ခဲ့ပါသည်။  ဂန္ဓကုဋိတိုက်တော်နှင့် ထိုင်တော်မူ ဗုဒ္ဓဘုရားရှင်တို့အား သက္ကရာဇ် ၁၂၄၆ ခုနှစ်တွင် တည်ထား ခဲ့ပြီး ယခုနှစ်ပေါင်း ၁၄၀ နှစ် ရှိခဲ့ပြီဖြစ်သည်။ ရှေးယခင်က ဂန္ဓကုဋိတိုက်ကျောင်းသည် ပြဿဒ်များဖြင့် တည်ဆောက်ထားရှိပြီး ဂျပန်ခေတ်တွင် ဗုံးဒဏ်ထိ၍ ပျက်စီးခဲ့ပြီး နှောင်းခေတ်လူများ ထပ်မံပြုပြင် တည်ဆောက်၍ သာသနာကို ဆက်လက်ထိန်းသိမ်းခဲ့ကြရပါသည်။