ဘုရားအမည်	ကန်တော့ပလ္လင်ဘုရား
တိုင်းဒေသကြီး/ပြည်နယ်	မန္တလေးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	ကန်တော့ပလ္လင်ဘုရားကြီးသည် မန္တလေးတိုင်းဒေသကြီး၊ ညောင်ဦးခရိုင်၊ ညောင်ဦးမြို့နယ်၊ ပုဂံမြို့ဟောင်းရှိ ကျုံးမြို့ရိုးအတွင်းတွင် ပုဂံရှေးဟောင်းသုတေသနပြတိုက်၏ မြောက်ဘက်တွင် တည်ရှိပါသည်။
သမိုင်းကြောင်းရာ
ကန်တော့ပလ္လင်ဘုရားကြီးကို နရပတိစည်သူမင်းကြီးသည် ကောဇာသက္ကရာဇ် (၅၆၅) ခုနှစ်၊ အေဒီ (၁၂၀၃)ခုနှစ်တွင် စတည်ထားခဲ့ပြီး (၈)နှစ်ကြာသောအခါ မင်းကြီး နတ်ရွာစံ ကံတော်ကုန်သဖြင့် သားတော်နားတောင်းများမင်း(ခေါ်) ဇေယျသိင်္ခမင်းက ကောဇာသက္ကရာဇ် (၅၈၈)ခုနှစ်တွင် အပြီးတိုင် တည်ထားကိုးကွယ်ခဲ့ပါသည်။ အလောင်းစည်သူမင်းကြီးမှ ဘေးလောင်းတော်၊ ဘိုးလောင်းတော်တို့၏ရုပ်တုများ ပြုလုပ်ပြီး ပလ္လင်ပေါ်တင်၍ ကန်တော့ ပူဇော်သည့်နေရာတွင် တည်ထားခဲ့ခြင်းကြောင့် “ကန်တော့ပလ္လင်” ဘုရားဟူ၍ ဘွဲ့မည်တွင် ခဲ့ပါသည်။ ကန်တော့ပလ္လင်ဘုရားကြီးသည် လိုဏ်လေးဆင့်ခံ နှစ်ထပ်ဂူဘုရားဖြစ်၍ ဉာဏ်တော် (၁၈၀)ပေမြင့်သည့် ဘုရားကြီးဖြစ်ပါသည်။ ကန်တော့ပလ္လင်ဘုရားကြီး၏ စေတီအမှတ်မှာ ၁၆၂၂ / ၉၃၀(က) ဖြစ်ပါသည်။ ပုဂံဘုရားများတွင် ကန်တော့ပလ္လင်ဘုရားကြီးသည် “ဂေါဓပလ္လင်” “ဂေါဓောပလ္လင်” “ကန်တော့ပလ္လင်” စသည့်ဘွဲ့မည်သုံးမျိုးဖြင့် ထင်ရှားသည့် ဘုရားကြီး ဖြစ်ပါသည်။