ဘုရားအမည်	ကိုးနဝင်းဖောင်တော်ဦးစေတီတော်မြတ်ကြီး
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	နဝင်းရပ်ကွက်၊ ပြည်မြို့
သမိုင်းကြောင်းရာ
(ရည်ညွှန်းစာ။ ကိုးနဝင်းဖောင်တော်ဦးစေတီတော်မြတ်ကြီး၏ ဂေါပကအဖွဲ့မှ ပေးပို့ထားသော မှတ်တမ်းမှ ကူးယူဖော်ပြထားခြင်းဖြစ်ပါသည်။) ပြည်မြို့၊နဝင်းရပ်၊ကိုးနဝင်းဖောင်တော်ဦးစေတီတော်မြတ်ကြီးကို သာသနာသက္ကရာဇ်(၄၃၃) ခုနှစ်တွင် ငါတပါးမင်းတည်ထားသည့်ဘုရား(၁၂) ဆူတွင်ဖောင်တော်ဦးစေတီတော် မြတ်ကြီး ကိုတည်ထားကိုးကွယ်ခဲ့ကြောင်း ပြည်ရွှေဆံတော်သမိုင်းသစ်တွင်ချီးမြှင့်ထားပါသည်။ သက္ကရာဇ် (၁၁၁၆) ခုနှစ်တွင် အလောင်းမင်းတရားကြီးသည် ရန်ကုန်မြို့ကိုသိမ်းပိုက်နိုင်ရန်အတွက် စုန်ဆင်းလာရာ ပြည်မြို့အရောက် နဝင်းချောင်းအနီး ဆိပ်ကမ်းသာသောအရပ်၌ ရန်မျိုး နိုင်တပ်တော်သမုတ်၍ စံတော်မူသည်။အလောင်းမင်းတရားကြီးသည် ငါသည် သာသနာတော်ကို ချီးမြှောက်ထိုက်သူဖြစ်လျှင်ရန်သူတို့အား အောင်မြင်စေသတည်းဟူ၍ သစ္စာပြုကာ နဝင်းချောင်းအနီး ဘောင်တော်ဆိုက်ရာ အရပ်တွင် ဘိနပ် ( ၁၅ ) တောင် အရပ်(၁၇) တောင်ရှိသော စေတီတော်ကို သတ္တဌာနရွှေငွေရုပ်ထုတော်၊ရုပ်ပွားတော်၊ဓာတ်တော်၊ မွေတော်များဌာပနာတော်မူပြီးကောဇာသက္ကရာဇ်( ၁၁၁၆) ခုနှစ် ၊ တပို့တွဲလဆန်း(၁၀) ရက်နေ့တွင် စေတီတော်မြတ်ကြီးအား တည်ထားကိုးကွယ်ပြီး ဘောင်တော်ဦးစေတီတော်ဟု သမုတ်တော်မူသည်။( ၁၃၄၂ ) ခုနှစ်တွင် ပြည်မြို့၊ ရွာဘဲရပ် ဗိုလ်ချုပ်လမ်း ဗေဒင်ပညာရှိ ဆရာကြီးဦးထွန်းကျော် ၏ ဤနဝင်းရပ် ဤဘုရားကြီး၏သာသနာပွင့်လင်းမှသာ ပြည်မြို့ကြီးသာသနာတော်တိုးတက်စည်ပင်လာပါမည်။" ကိုး "ဟူသောဂုဏ်တော်ကိုးပါးကို ဦးထိပ်ပန်ဆင်သောဒေသ၊ ဂုဏ်တော်ကိုးပါးတည်သော ဤနေရာသည်၊ဗုဒ္ဓသာသနာတော် မြတ်ကြီးထွန်းကားရာအရပ်၊"ကိုး"သည်ဘာသာရေးလောကနှင့်အခြားသောဘူမိလောက၊ဝေဒလော ကတို့၏ အတိတ်ကောင်း နမိတ်ကောင်း ဖြစ်သည်ဟူ၍ "ကိုးနဝင်းဖောင်တော်ဦး စေတီတော်မြတ်ကြီး" ဟူ၍ ဘွဲ့တော်ဦးထိပ်တော်တင်၍ နဝင်းသူနဝင်းသားဗုဒ္ဓဘာသာ ဝင်ပြည်သူတို့ ကိုးကွယ်ပူဇော်လျှက်ရှိပါကြောင်း- ဉာဏ်တော်အမြင့် ၇၇ တောင် လုံပတ် ၉၀ တောင် ဘုရားအကျယ်အဝန်းအလျှား- ၁၄၀ ပေကျော် ၊ အနံ- ၁၂၀ ပေကျော်