ဘုရားအမည်	ကျိုက်ခေါက်စေတီတော်(တာတိုင်ဘုရား)
တိုင်းဒေသကြီး/ပြည်နယ်	ရန်ကုန်တိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	ရန်ကုန်မြစ် နှင့် ပဲခူးမြစ်ဆုံရာ ပဲခူးမြစ်၏တောင်ဘက်ကမ်းတွင်ရှိသော ရန်ကုန်တိုင်းဒေသကြီး သန်လျင်မြို့ တောင် ဘက် သန်လျင်ကျောက်တန်းလမ်းအနီး ဘုရာကုန်းကျေးရွာ၊ ဘုရားကုန်းရပ်ကွက်ဥတ္တရင်္ဂကုန်းပေါ်၌ ကိန်းဝပ်တော်မူလျက်ရှိသည်။
သမိုင်းကြောင်းရာ
(ရည်ညွှန်းစာ : ကွန်ပျူတာတက္ကသိုလ်(တောင်ငူ) မှ ပေးပို့ထားသော မှတ်တမ်းမှ ကူးယူဖော်ပြထားခြင်း ဖြစ်ပါသည်။) ကျိုက်ခေါက်စေတီတော်မြတ်သည် မြန်မာနိုင်ငံရှိတန်ခိုးကြီးစေတီတော်တစ်ဆူဖြစ်၍ ရန်ကုန်မြစ် နှင့် ပဲခူးမြစ်ဆုံရာ ပဲခူးမြစ်၏တောင်ဘက်ကမ်းတွင်ရှိသော ရန်ကုန်တိုင်းဒေသကြီး သန်လျင်မြို့ တောင် ဘက် သန်လျင်ကျောက်တန်းလမ်းအနီး ဘုရာကုန်းကျေးရွာ၊ ဘုရားကုန်းရပ်ကွက်ဥတ္တရင်္ဂကုန်းပေါ်၌ ကိန်းဝပ်တော်မူလျက်ရှိသည်။ ကျိုက်ခေါက်စေတီမှာ ရှေးဟောင်းစေတီတော်တစ်ဆူဖြစ်သည့်ပြင် ရှေးမွန် ဗိသုကာပညာရပ်ကို သရုပ်ပြ သက်သေခံ လျက်ရှိသည်။ ကျိုက်ခေါက်စေတီ၏ ဉာဏ်တော်မှာ ၂၃၃ ပေ၊ ဖိနပ်တော်အဝန်းမှာ ပေ ၉ဝဝ ဖြစ်သည်။ စေတီရင်ပြင်တော် ကို မြန်မာနိုင်ငံအထက်ပိုင်းမှ ကျောက်ပြားအနီများဖြင့် စနစ်တကျဆစ်ချော ခင်းကျင်းထားသည်။ သာသနာသက္ကရာဇ်(၂၄၁)တွင် အရှင်ခေါလကနှင့် သထုံမင်းစူဠသီရိမာသောကမင်း တို့သည် ဂေါတမ မြတ်စွာဘုရား၏ ဆံတော်ခြောက်ဆူနှင့်တကွ သီဟိုဠ်(သီရိလင်္ကာ)မှရရှိသော နဖူးသင်းကျစ်ရိုးနှင့် ဓာတ်တော်များကိုဌာပနာကာ တိုက်စေတီပုံတည်ထားခဲ့ခြင်းဖြစ်သည်။ အရှင်ခေါလက သီတင်သုံးသော ကျောင်းကုန်း၌တည်သောကြောင့် “ခေါလကစေတီ” ဟုသမုတ်ခဲ့သည်။ ကာလရွေ့လျောလာသည် နှင့်အမျှ "ခေါက်စေတီ၊ ကျော်ခိုက်စေတီ၊ ကျိုက်ခေါက်စေတီ" ဟုတွင်လေသည်။ သက္ကရာဇ်(၇၁၁)တွင် ဟံသာဝတီမင်း ဗညားဦးသည် မူလတိုက်စေတီကို သင်းတိုက်စေတီပုံစံ ပြောင်းလဲ တည်ထားခဲ့သည်။ ဉာဏ်တော် ၂၇-တောင် ဖြစ်သည်။ သက္ကရာဇ်(၇၇၈)တွင် ရာဇာဓိရာဇ်မင်းသည် ဉာဏ်တော်အတောင်သုံးဆယ်ထိ ပြုပြင်တည်ဆောက်သည်။ ကျိုက်ခေါက်စေတီတော်မြတ်သည် ခေတ်သမိုင်းအဆက်ဆက်စိုးစံခဲ့သောမင်းများနှင့် ပြည်သူတို့ဆည်းကပ်ကိုးကွယ်ခဲ့ကြသော ထင်ရှားသော တန်ခိုးကြီး ဘုရားတစ်ဆူဖြစ်သည်။ [၁]