ဘုရားအမည်	ကျိုက်မူးကမော့နွတ်စေတီတော်(တာတိုင်ဘုရား)
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	ပဲခူးတိုင်းဒေသကြီး၊ သနပ်ပင်မြို့နယ်၊
သမိုင်းကြောင်းရာ
(ရည်ညွှန်းစာ : ကွန်ပျူတာတက္ကသိုလ်(တောင်ငူ) မှ ပေးပို့ထားသော မှတ်တမ်းမှ ကူးယူဖော်ပြထားခြင်း ဖြစ်ပါသည်။) ရွှေမော်ဓောဘုရားမှ တတိယမြောက်တာတိုင်ဘုရားမှာ ကျိုက်မူးကမော့နွတ်ဖြစ်သည်။ ပဲခူးတိုင်း ဒေသကြီးသနပ်ပင်မြို့နယ် ပဲခူး-သံလျှင် ဒုံးလမ်း၏အရှေ့ဘက်မိုးခိုင်ကြီးကျေးရွာ အနောက်မြောက်ဘက် တွင်တည်ရှိ၍ မိုးခိုင်ကြီးဘုရားဟုအမည်တွင်သည်။မိုးခိုင်ကြီးဘုရားသည် မြတ်စွာဘုရားရှင်၏သွားတော် ဓာတ် (၃၃) ဆူမှ (၁) ဆူ ကိုဌာပနာ၍တည်ထားကိုးကွယ်ပါသည်။ မိုးခိုင်ကြီးဘုရားကို မွန်ဘာသာဖြင့် ကျိုက်မှုးကမော့နွတ်ဟုခေါ်ဆိုပြီး ကျိုက်မှာဘုရား၊ မူးမှာအမွန်း၊ ကမော့မှာကျော်၊ နွတ်မှာအကြီး ကျောက်စွန်းဘုရားကြီးဟု အဓိပ္ပာယ်ရသည်။ မိုးခိုင်ကြီးမိုးခိုင်လေးဘုရား(၂) ဆူ တည်ထားကြောင်း စစ်ကဲဦးရွှေနော်က မွန်ရာဇဝင်နှင့် စေတီတော်များသမိုင်းပေါင်းချုပ်တွင် ဖော်ပြထားသည်။ မိုးခိုင်ကြီးဘုရား၏ထူးခြားချက်မှာ လှေကား၊မဟာရန် တံတိုင်းများကို ဂဝံကျောက်များဖြင့် တည်ဆောက် ထားခြင်းဖြစ်ပါသည်။ AD ရာစုတွင် ဓမ္မစေတီမင်းက မွန်ဘာသာဖြင့်ကျောက်စာရေးထိုးလှူဒါန်းခဲ့ ပါသည်။ ယနေ့အချိန်တွင် ကျောက်စာအပိုင်းအစများသာ ကျန်ရှိပါသည်။ အုတ်ပုံကြီးသဖွယ်ဖြစ်၍ ယိုယွင်းပျက်စီးနေသော ပေ ၂၇၀ ခန့်မြင့်သော ရှေးဟောင်း မိုးခိုင်ကြီးစေတီတော်ပေါ်တွင် ဉာဏ်တော် ၄၈ ပေ ခန့်မြင့်သော စေတီတစ်ဆူ ကို ဒေသခံများက ၁၉၆၂ ခုနှစ်တွင် တည်ထားကိုးကွယ်ခဲ့ပြီး ဘုရားပွဲတော်ကို နှစ်စဉ်တပေါင်းလဆန်း(၈) ရက်နေ့တွင်ပြုလုပ် လျက်ရှိပါသည်။