ဘုရားအမည်	ကြက်ခေါင်းစားစေတီတော်
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	ရွာဘဲနယ်မြေ၊ မူရာပင်ရပ်၊ ပြည်မြို့။
သမိုင်းကြောင်းရာ
(ရည်ညွှန်းစာ : ကြက်ခေါင်းစားစေတီဂေါပကအဖွဲ့မှ ပေးပို့ထားသော မှတ်တမ်းမှကူးယူဖော်ပြထားပါသည်၊၊) မြန်မာရာဇဝင်တွင် ထူးခြားအံ့ဘွယ်ကောင်းသော (မင်းဧကရာဇ်)ဖြစ်နိုင်သည်။ ကြက်၏ ဦးခေါင်းကို စားရ၍ မင်းဖြစ်လာသော "ငါတပါးမင်းကြီး" နှင့် ထိုမင်းတည်းထားကိုးကွယ်ခဲ့သော "ကြက်ခေါင်းစား" စေတီတော်၏ ရာဇဝင်အကျဉ်းမှာ ထိုကဲ့သို့ ဖြစ်ပါသည်။ ထိုခေတ်အခါက အမတ်စစ်သူကြီး ကိုးကွယ်သော ဘုန်းကြီးကျောင်းတစ်ကျောင်းတွင် သာမာန် သူဆင်းရဲသားတစ်ယောက်က မိမိ၏သားကို သင်္ကန်းဝတ်ရှင်ပြုပြီး ဆရာဘုန်းကြီးထံ အပ်နှံခဲ့သည်။ထိုကျောင်းတွင် ဘေးမဲ့လွတ်ထားသော ကြက်များလည်းရှိသည်။ ထိုကြက်တို့တွင် တစ် ကောင်က ထူးထူးခြားခြားတွန်သည် (ငါ့ဦးခေါင်းစား- ငါ့တစ်ပါးမင်းဖြစ်လတ္တံ)ဟု အကြိမ်ကြိမ်တွန်၏။ ဆရာဘုန်းကြီးမှ ဒီကြက်ကို စူးစမ်းအံ့ဟု မောင်ရှင်ငယ်အား ကြက်ကို ချက်ပြုတ်၍ ငါ့အား ကပ္ပိလော၊ "ကြက်ဦးခေါင်း"ကို အပေါ်ကတင်ယူခဲ့ဟု မိန်ကြားသည်။ မောင်ရှင်ငယ်သည် ဆရာဘုန်းကြီးအမိန့်အတိုင်း ကြက်အားချက်ပြုတ်၍ "ကြက်ဦးခေါင်း" ကို ဟင်းပုဂံ၏အပေါ်တွင်တင်ကာ ဆရာတော်အားကပ်ရန် ယူလာစဉ် ကြက်ဦးခေါင်းက အပေါ်ဆုံးဖြစ်၍ မြေသို့ကျလေသည်။ မောင်ရှင်ငယ်သည် မြေသို့ကြသော ကြက်ဦးခေါင်းကို ရေးဆေးစားလိုက်သည်။(မင်းဧကရာဇ်) ဖြစ်နိုင်တဲ့ ကြက်ဦးခေါင်းကို စားခွင့်ရသော မောင်ရှင်ငယ်သည် မင်းမျိုးမင်းနွယ် မဟုတ်ဘဲ ဘုန်းကြီးကျောင်းသား ရှင်လူထွက်ဖြစ်သော (တစ်ပါးသောမျိုးနွယ်မှ) မင်းဖြစ်လာသောကြောင့် "ငါ့တစ်ပါးမင်းကြီး" ဘွဲ့တော်ဖြင့် သာသနာခုနှစ် (၄၃၃)ခုတွင် သရေခေတ္တရာမင်း ဆက်(၁၂)ဆက်မြောက် မင်းအဖြင့် စိုးစံတော်မူခဲ့သည်။