ဘုရားအမည်	ငါးမျက်နှာစေတီတော်မြတ်ကြီး
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	ငါးမျက်နှာရွာ၊ပန်းတောင်းမြို့နယ်
သမိုင်းကြောင်းရာ
(ငါးမျက်နှာစေတီတော်မြတ်ကြီး ဂေါပကအဖွဲ့မှပေးပို့သောသမိုင်းကြောင်းဖြစ်ပါသည်။) သက္ကရာဇ် ၂၁၉ ခုနှစ်တွင် ပါဋလိပုတ်မြို့ကို အစိုးရသော သီရိမုတ္တမမင်းကြီးသည် ငါးမျက်နှာ ဘုရားသခင်ကို တည်တော်မူသည်။ တည်တော်မူသည့် သက္ကရာဇ်ကား ၂၁၉ ခုနှစ်၊ တော်သလင်း လဆန်း(၁)ရက်နေ့ ဗုဒ္ဓဟူးနေ့၌ နေ့တချက်တီးကျော် သုံးမောင်းတွင် မြေသနစ်တည်တော်မူသည်။ ၎င်း လဆန်း(၁၃)ရက် နံနက် လေးချက်တီးကျော်သုံးမောင်း၌ သီရိစန္ဒာအမတ်၊ သုပိန္ဒအမတ်၊ သီရိသူရာအမတ်၊ ဓေါ ပညာဝရအမတ် ထိုအမတ်ကြီးလေးယောက်တို့နှင့်တကွ သီရိမုတ္တမမင်းသည် ကိုယ်တိုင်ကြီးကြပ်၍ တည်တော်မူသည်။ ၎င်းတော်သလင်းလဆန်း(၁၃)ရက်နေ့ နံနက် လေးချက်တီးကျော် သုံးမောင်းအတွင်း၌ ရွှေပန္နက်လေးတိုင်၊ ငွေပန္နက်လေးတိုင်၊ စိုက်မှတ်တော်မူ သည်။ ၎င်းလေးချက်တီးကျော် သုံးမောင်းတွင် အောက်ဌာပနာတိုက်တော်တူး၍ အုတ်မြစ် စတည်တော်မူသည်မှာ ဌာပနာတော်တိုက်အနက် (၁၃)တောင်နှစ်မိုက်၊ ဘုရားအုတ်မြစ်တော်ပနက် မှာ (၁၂)တောင်သုံးမိုက်နှင့် တည်တော်မူသည်။ ဌာပနာတိုက်၌ အခင်းကျောက်ဖျာကား နဂါးရာဇ် ငွေတောင်ရိုး၌ ကျောက်ဖျာကို မင်းကြီးအား သိကြားမင်းပြတော်မူ၍ နီလာညိုအဆင်းနှင့်တူသော ကျောက်ဖျာလေးချပ်ကို ဌာပနာတိုက်အတွင်း၌ခင်း၍ ဓမ္မာသောကမင်းကြီးပေးတော်မူ၍ ကိုးကွယ် စိမ့်သောငှာ ရတော်မူသော မွေရှင်တော်ရှစ်ဆူ၊ ထို့နောက် သီရိမုတ္တမ မင်းကြီးလက်ထက်တော်သို့ ရောက်မှ တန်ခိုးတော်အားဖြင့် ကိုးကွယ်ထိုက်သောသူဖြစ်၍ ပွားတော်မူသော မွေရှင်တော်တစ်ဆယ့် ခြောက်ဆူတို့ကို ဌာပနာတော်မူပါသည်။ ရှေးဟောင်းသမိုင်းဝင် ငါးမျက်နှာစေတီတော်မြတ်ကြီး၏ဘုရားဒါယကာတော်မှာ သာသနာပြုသီရိဓမ္မာသောကဘုရင်မင်းမြတ်ကြီး၏မြို့ ပေါင်း ၈၄၀၀၀၊အပါအဝင် ပါဋလိပုတ်ပြည့်ရှင် သိရိမုတ္တမမင်းဖြစ်ပါသည်။ ရှေးဟောင်းသမိုင်းဝင် ငါးမျက်နှာစေတီတော်မြတ်ကြီး၏ သာသနာမြေ အကျယ်အဝန်း မြေဧကပေါင်း(၅၀.၈၃)ဧကပေါ်တွင် တည်ရှိပါသည်။