ဘုရားအမည်	စူဠာမဏိဘုရား
တိုင်းဒေသကြီး/ပြည်နယ်	မန္တလေးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	စူဠာမဏိဘုရားကြီးသည် မန္တလေးတိုင်းဒေသကြီး၊ ညောင်ဦးခရိုင်၊ ညောင်ဦး မြို့နယ်၊ မင်းနန်သူကျေးရွာ၏ အနောက်မြောက်ယွန်းယွန်းတွင် တည်ရှိပါသည်။
သမိုင်းကြောင်းရာ
ဘုရားသမိုင်း အေဒီ ၁၁၈၃ ခုနှစ်၊ ကောဇာသက္ကရာဇ် ၅၄၅ - ခုနှစ်တွင် နရပတိစည်သူမင်းကြီး သည် တုရင်တောင်စွယ်တော်ရှင်စေတီမြတ်သို့ မှူးမတ်အခြံအရံများနှင့်အတူ အဖူးအမြော် ထွက်တော်မူ၏။ စွယ်တော်ကိုဖူးမြော်ပြီးရာမှအပြန် ညဉ့်အခါဝယ် စူဠာမဏိဘုရား တည်ရာ ချောက်ကြီး၌ တဝင်းဝင်းတလက်လက် အရောင်တောက်ပနေသည်ကို မြင်ရသဖြင့် အမတ် တစ်ဦးအား သွားရောက်စုံစမ်းချေဟု စေလွှတ်လိုက်ရာ မီးရောင်လည်းမဟုတ်၊ ပတ္တမြား အရောင်လည်းမဟုတ်ကြောင်းကို မင်းကြီးကိုလျှောက်ထားရာတွင် မင်းကြီးက မချွတ်ဧကန္တ ဤဌာန၊ ဤဒေသတွင် ကုသိုလ်ကောင်းမှု ပြုစေလိုသောကြောင့် ငါ့အားနတ်များ ညွှန်ပြသည်ဟု အယူရှိတော်မူသဖြင့် ထိုချောက်ကြီးကို ပြည်သူပြည်သားတို့အား အပူတပြင်း ဖို့စေလေ၏။ မျက်နှာပြင်ညီညွတ်သွားသောအခါ ကောဇာသက္ကရာဇ် (၅၄၈) ခု၊ အေဒီ (၁၁၈၃)ခုနှစ်တွင် လိုဏ်နှစ်ဆင့်ရှိသော စေတီကိုတည်ကာ စူဠာမုနိ၊ စူဠာ-သျှောင်ထုံး၊ မုနိ-ဘုရား၊ စူဠာမုနိကား သျှောင်ထုံးဘုရားဟု အဓိပ္ပာယ်ရပြီး သိဒ္ဓတ္ထမင်းသား၏ ဆံပင် သျှောင်ထုံးကို ဌာပနာ၍ နတ်ပြည်၌တည်ထားသော “စူဠာမုနိဘုရား၏ အမည်နှင့်(အတူ) ထပ်တူသမုတ်တော်မူလေသည်။ ယခုအခါတွင်မူ စူဠာမဏိဘုရားဟုသာ ပြောင်းလဲခေါ်ဆိုနေ ကြသည်။ ဘုရားဉာဏ်တော်၏အမြင့်မှာ ယခင်က (၁၈၉)ပေရှိပြီး၊ ၂၀၁၆-ခုနှစ် ငလျင်လှုပ်ပြီး ပြန်လည်ပြုပြင်လိုက်သောအခါ (၂၀၁)ပေခန့်အထိ အမြင့်ရှိသည်။ (မှတ်ချက်။ ။chitwaiphyo.bagan@gmail.com မှပေးပို့ထားပါသောသမိုင်းကြောင်းများဖြစ်ပါသည်။)