ဘုရားအမည်	ဇလုံတောင်ဘုရား
တိုင်းဒေသကြီး/ပြည်နယ်	စစ်ကိုင်းတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	ဗန်းမောက်မြို့နယ်၊ကသာခရိုင်၊စစ်ကိုင်းတိုင်း။
သမိုင်းကြောင်းရာ
(ရည်ညွှန်းစာ : ကွန်ပျူတာတက္ကသိုလ်(မုံရွာ)မှ ပေးပို့ထားသော အချက်အလက်များမှ ကူးယူဖော်ပြထားပါသည်။) မြန်မာနိုင်ငံအထက်ပိုင်:၌ ထူးကဲသော ဂုဏ်တန်ခိုးတော်နှင့် ပြည့်စုံသော ဇလုံတောင် စေတီတော်ကြီးမှာ မွန်ပြည်နယ်မှ ဆံတော်ရှင် ကျိုက်ထီးရိုးစေတီတော်ကြီးနှင့် ပမာတူစွာ အံ့ဖွယ် ထူးခြားသော ဉာဏ်တန်ခိုးတော်တို့နှင့် ပြည့်စုံသော သမိုင်းဝင်စေတီတော်ကြီးတစ်ဆူ ဖြစ်သည်။ ပင်လယ်ရေပြင်ထက် အမြင့်ပေ (၃၀၉၀) အမြင့်ရှိသော သေလာပဗ္ဗက တောင်ထိပ်ပေါ်ဝယ် ထူးတင့်စွာ ဖူးမြှော်ခွင့်ရသော ဇလုံတောင်စေတီတော်ကြီးမှာ သမိုင်းအခြေခံ တောင့်တင်းခဲ့သည်။ သမိုင်း အဖြစ်တော်စဉ်အရ မြတ်စွာဘုရားရှင် ဝါတော် (၂၀) အရ မဟာသက္ကရာဇ်(၁၂၃)ခုနှင်၌ သိကြားမင်း ဖန်ဆင်းအပ်သော နတ်ပန်းရထားဖြင့် ရဟန္ဓာ(၅၀၀) ခြံရံပြီး ဧရာပထနတ် နဂါးသာအဖ လှူဒါန်းသော ဇလုံတောင်သို့ ကြွရောက်တော်မူခဲ့သည်။ ဤသို့သော မှတ်တမ်းမှတ်ရာများ၏ ဆင်းသက်မှုအရ သက္ကရာဇ်(၄၉၂)ခုနှင်၌ အရှင်အရဟံနှင့် အရှင်အာစရ ဘွဲ့မည်ရသော ရဟန္တာ(၂)ပါး ဇလုံတောင်သို့ ကြွတော်မူပြီး တောင်၏အမြင့်ဆုံး ကျောက်စာတွင် ဖော်ပြထားသည်။ ဇလုံတောင် ဝန်းကျင်၌ ကမ္ဘာ့အံ့ဩစရာတစ်ခုအဖြစ် မြင်တွေ့ကြရသော ကျောက်မဏ္ဍပ်ကြီး ကလည်း အံ့မခန်းစရာပင်ဖြစ်သည်။ ထိုကျောက်မဏ္ဍပ်၌ ရှေးပဝေသဏီနှစ်ပရိစ္ဆေဒကလည်းက ကျောက်ဖြစ်ရုပ်ကြွင်းအဖြစ် မြင်တွေ့နေရဆဲဖြစ်သော ကျောက်ဆန်အိတ်ကြီးများကလည်း အံ့ဩစရာ ကောင်းပါသည်။ အကျယ်အဝန်းကြီးမားလှသော ကျောက်မဏ္ဍပ်ကြီးပေါ်၌ စေတီငယ်များနှင့် ဗုဒ္ဓရုပ်တု တော်တို့ကလည်း သပ္ပါယ်ကြည်ညိုစရာ ဖူးတွေ့ရသည်။ ဂေါတမမြတ်စွာဘုရားက ညီတော်အာနန္ဒအား ဗျာဒိတ်စကားမိန့်ကြားသည်မှာ “ဤဂေါ‌ဒေါပလ္လင် တောင်ကလပ်၌ ပွင့်တော်မူလတ္တံ့သော အရိမေတ္တယျဘုရားရှင်သည် ငါဘုရားကဲ့သို့ တရားထူးကို ဟောကြားလိမ့်မည်” ဟု မိန့်တော်မူသည်။ သို့ဖြစ်ရာ ဤကျောက်တောင်တော်သည် ငါးဆူမြောက် အရိမေတ္တယျဘုရားရှင် တရားထူဟောမည့်နေရာ ဖြစ်ပါကြောင်း ကျောက်စာဖြင့် ဖော်ပြထားသည်။ ဘုရားသမိုင်းကျောက်စာကို ယခုအခါ ကျောက်တောင်၏ အရှေ့ဖက်တွင် စိုက်ထူထားပါသည်။