ဘုရားအမည်	ဗောဓိတစ်ထောင်ဘုရား
တိုင်းဒေသကြီး/ပြည်နယ်	စစ်ကိုင်းတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	စစ်ကိုင်းတိုင်းဒေသကြီး၊ မုံရွာမြို့၏ အရှေ့တောင်ဘက် ကိုးမိုင်ကျော်ခန့် အကွာတွင် တည်ရှိသည်။
သမိုင်းကြောင်းရာ
ကွန်ပျူတာတက္ကသိုလ်(မုံရွာ)မှ ပေးပို့သောအချက်အလက်များမှ ကူးယူဖော်ပြထားပါသည်။ မဟာဗောဓိတထောင်ဆရာတော်ဘုရာကြီး အဂ္ဂမဟာသဒ္ဓမ္မဇောတိကဓဇဘဒ္ဒန္တနာရဒ လောင်း လျာရဟန်းပျိုလေး ရှင်နာရဒသည် သာသနာတော်နှင် (၂၅၀၄)ခု၊ မြန်မာသက္ကရာဇ် ၁၃၂၂ခု၊ ကဆုန်လဆန်း(၁၁)ရက်၊ ကြာသပတေးနေ့တွင် ရွှေတွင်းကုန်းရွာ၊ ကိုးဆူကျောင်းမှ ဗောဓိပင်(၂၇)ပင်ကို အခမ်းအနားဖြင့် စတင်ပင့်ဆောင်ခဲ့ကြပြီး၊ ကဆုန်လဆန်း(၁၂)ရက်၊ နံနက်(၈း၅၅)နာရီတွင် နန်းဦးဆရာတော်ဘုရားကြီးနှင့် မဟာဗောဓိတထောင် ဆရာတော် ဦးနာရဒ ဆရာတပည့်နှစ်ပါးတို့သည် ဖုဠဿအစချီ မင်္ဂလာဂါထာတော်ကို ရွတ်ဆိုကာ ပထမဆုံးဗောဓိပင်ကို ကိုယ်တော်တိုင်စိုက်ပျိုးတော်မူသည်။ ထိုနေ့တွင်ပင် ဗောဓိပင်(၂၇)ပင် အပြီးစိုက်၍၊ အောင်စည်ကျော်ခိုက် ဗောဓိစိုက် ဟူသော အမှတ်သညာအတိုင်း ၁၃၂၂ခု၊ ကဆုန်လဆန်း(၁၂)ရက်နေ့တွင် မဟာဗောဓိတထောင် သာသနာ့အောင်မြေကို စတင်တည်ထောင်တော်မူသည်။ဗောဓိပင်ပေါင်း ၁၃၄၅ပင် စိုက်ပျိုးပူဇော်ပြီးသည်မှစ၍ ခတက္ကန်တောင်ရွာ ရွာဦးကျောင်းအဖြစ်မှ မဟာဗောဓိတထောင် ကျောင်းတိုက်အဖြစ် အန္တတ္တသညာ ခေါ်တွင်လာခဲ့သည်။