ဘုရားအမည်	ဘုရားမာစေတီ(သရေခေတ္တရာမြို့ဟောင်းဇုန်ရှိဒွတ္တပေါင်မင်းကြီးတည်ထားခဲ့သောဘုရား)
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	ပြည်-ပေါက်ခေါင်း လမ်းမကြီးဘေး ၊ ပြည်မြို့။
သမိုင်းကြောင်းရာ
(ရည်ညွှန်းစာ : ရှေးဟောင်းသုတေသနနှင့် အမျိုးသားပြတိုက်ဦးစီးဌာနမှ ပေးပို့ထားသော မှတ်တမ်းမှ ကူးယူဖော်ပြထားပါသည်။) ဘုရားမာစေတီကို သရေခေတ္တရာမြို့ဟောင်း၏ အရှေ့မြောက်ဘက် ပြည်-ပေါက်ခေါင်း ကားလမ်းနံဘေး၊ ကုန်းရိုးကျေးရွာအနီးတွင် တည်ရှိပါသည်။ အစဉ်အလာ ပြောဆိုမှုများနှင့် မြန်မာရာဇဝင်ကျမ်းအချို့တွင် စေတီတော်၌ ဘုရားရှင်၏ဓာတ်တော်နှင့် လက်သည်းတော်၊ ခြေသည်းတော်၊ ညှပ်ရိုးတော်တို့ကို ဌာပနာထား၍ တည်ထား ကိုးကွယ်ခဲ့သော စေတီတစ်ဆူဖြစ်ကြောင်း သိရှိရပါသည်။ ရှေးယခင်က “သရိုင်မာ” စေတီဟု ခေါ်ဝေါ်ခဲ့ကြပြီး အေဒီ(၆-၇)ရာစုတွင် ဒွတ္တဘောင်မင်းကြီးမှ တည်ထားခဲ့သော ဉာဏ်တော် အမြင့် (၁၃၈)ပေရှိသည့် စေတီတစ်ဆူဖြစ်ပါသည်။ ဘုရားမာစေတီကြီး၏ ဗိသုကာပုံစံမှာ ကြီးမားမတ်စောက်သော ခေါင်းလောင်းပုံစံရှိပြီး ထိပ်ပိုင်းတွင် ခရေသီးပါရှိ၍ ထီးတော်တင် ထားသည်။ ပစ္စယာလေးဆင့်ပါရှိပြီး ထောင့်(၁၆)မြှောင့်ပါသော ပစ္စယာ(၃)ဆင့်နှင့် စတုတ္ထ ပစ္စယာမှာ အဝိုင်းပုံစံဖြစ်ပါသည်။ ဘုရားမာစေတီတော်ကြီးကို အုတ်ဖြင့်ဂင်းပိတ်ပုံစံ အဆင်တန်ဆာမရှိဘဲ ရိုးရိုးရှင်းရှင်း တည်ဆောက်ထားပါသည်။