ဘုရားအမည်	ဘဲဘဲဂူဘုရား(သရေခေတ္တရာမြိုဟောင်းဇုန်ရှိဘုရား)
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	သရေခေတ္တရာမြို့ဟောင်း၏ တောင်ဘက်၊ ပြည်မြို့နယ်
သမိုင်းကြောင်းရာ
(ရည်ညွှန်းစာ : ရှေးဟောင်းသုတေသနနှင့်အမျိုးသားပြတိုက်ဦးစီးဌာနမှ ပေးပို့ထားသော မှတ်တမ်းမှ ကူးယူဖော်ပြထားပါသည်။) ဘဲဘဲဂူဘုရားသည် သရေခေတ္တရာမြို့ဟောင်း၏ တောင်ဘက်၊ ဘောဘောကြီး စေတီ၏ အ‌ရှေ့ဘက်၊ ကုန်းအမှတ်(၃၆)အနီးတွင် တည်ရှိပါသည်။ ဘဲဘဲဂူဘုရားကို အေဒီ (၇)ရာစုလောက်က တည်ထားခဲ့သည်ဟု ခန့်မှန်းကြသည်။ အရှေ့ဘက်တွင် မုခ်ပေါက် ဖြင့် တည်ဆောက်ထားသည်။ အုတ်အဆောက်အအုံတစ်ခုဖြစ်ပြီး အတွင်းနံရံတွင် မုခ်ခုံ များနှင့် အင်္ဂတေပန်းတော့လက်ရာတို့ ပါရှိပါသည်။ ဘုရားမှာ အလျား(၁၇)ပေ၊ အနံ(၁၆)ပေ၊ ဉာဏ်တော်မှာ(၂၃) ပေခန့်ရှိပါသည်။ အဆောက်အအုံ အပေါ်ပိုင်း၌ ပစ္စယာငယ် (၃)ဆင့် ပါရှိပြီး ထိုအထပ်တွင် သိခရ(ခေါ်)ကွမ်းတောင်ပေါက်ထားသည်။ ဂူဘုရားကို လေးထောင့် စပ်စပ်တည်ဆောက်ထားပြီး ဂူအတွင်းပိုင်းတွင် ပေါင်းခုံးနှင့် မုခ်ခုံးများဖြင့် မွမ်းမံ တည်ဆောက် ထားပါသည်။ ဂူဘုရားအတွင်းတွင် သဲကျောက်ဖြင့်ပြုလုပ်ထားသော ထိုင်တော်မူ ဗုဒ္ဓရုပ်ပွား ဆင်းတုတော်တစ်ဆူနှင့် ရှိခိုးနေဟန်သာဝကနှစ်ပါး ရုပ်ကြွများ ထုလုပ်ကိုးကွယ်ထားပါသည်။