ဘုရားအမည်	မဟာငှက်ပစ်တောင်ဘုရားကြီး
တိုင်းဒေသကြီး/ပြည်နယ်	မန္တလေးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	ငှက်ပစ်တောင်ဘုရားသည် မန္တလေးတိုင်းဒေသကြီး၊ ညောင်ဦးခရိုင်၊ ညောင်ဦးမြို့နယ်၊ အမှတ်(၃)ရပ်ကွက်၊ ငှက်ပစ်တောင်ရပ်တွင် တည်ရှိပါသည်။
သမိုင်းကြောင်းရာ
ငှက်ပစ်တောင်ဘုရားကို မြန်မာသက္ကရာဇ် ၉၂-ခုနှစ်တွင် ပျူစောထီးမင်းက တည်ထား ကိုးကွယ်ခဲ့ပါသည်။ ငှက်ပစ်တောင်ဟူသော အဓိပ္ပါယ်မှာ စောထီး(ခ)မင်းထီးကိုယ်တိုင် ပစ်ခွင်းနှိမ်နှင်းခဲ့သော ငှက်ကြီး၏ အတောင်တစ်ချောင်းကိုနှုတ်၍ သမီးကညာ(၇)ယောက်ကို ရွက်စေ၍ သမုဒ္ဒရာဇ်ကြီးထံ ဆက်သစေခဲ့သော်လည်း ငှက်တောင်မှာ လေးလွန်း၍ သမီးကညာ (၇)ယောက်က ငှက်တောင်အား လမ်းတွင်ပစ်ချခဲ့သောကြောင့် ထိုနေရာကို ငှက်တောင်ပစ်ဟု တွင်ခဲ့လေသည်။ နှစ်ကာလကြာမြင့်လာသောအခါ ငှက်တောင်ပစ်မှ ငှက်ပစ်တောင်ဟု ပြောင်းလဲခေါ်တွင်ကြလေသည်။ ငှက်ပစ်တောင်၏ အမြင့်ပေမှာ (၃၀)ပေ ခန့်သာမြင့်သော တောင်ပူစာလေး ဖြစ်ပါသည်။