ဘုရားအမည်	မာရ်အောင်မြင်ပြည်တော်ပြန်ဘုရားကြီး
တိုင်းဒေသကြီး/ပြည်နယ်	ဧရာဝတီတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	ဟင်္သာတခရိုင်၊ ဇလွန်မြို့။
သမိုင်းကြောင်းရာ
(ရည်ညွှန်းစာ : ကွန်ပျူတာတက္ကသိုလ်(ပုသိမ်)မှ ပေးပို့လာသော မှတ်တမ်းမှ ကူးယူဖော်ပြထားခြင်းဖြစ်ပါသည်။) မဟာသက္ကရာဇ် ၁၂၃ ခုနှစ် ကဆုန်လပြည့်နေ့တွင် သဗ္ဗညုတ ဉာဏ်ရှင် ဘုရား သခင်သည် ဓညဝတီရခိုင်ပြည်သို့ ကြွတော်မူရာမှ သွန်းလုပ်ပူဇော်ခဲ့သော မုနိ(၄)ဆူ အနက် စတုတ္ထမြောက် မုနိဖြစ်ပါသည်။ ဉာဏ်တော်မှာ စမ္မခဏ်အလွတ် (၃’ ၉˝ ) ရှိပြီး အလေးချိန် ၆၆၆ ပိဿာ ၆ ကျပ်သား ရှိပါသည်။ သက္ကရာဇ်(၁၁၄၆)ခုနှစ် ပြာသိုလတွင် ဘိုးတော်ဘုရား၏ သားတော် အိမ်ရှေ့ မင်းသား သီဟသူရ သည် မဟာမုနိ မာရ်အောင်မြင်မုနိနှင့် ရွှေဘုံသာမုနိ(၃)ဆူကို အမရ ပူရသို့ ပင့်ဆောင်ပါသည်။အမရပူရတွင် မာရ်အောင်မြင်မုနိဘုရားကြီးအား နန်းဦးဘုရား အဖြစ် မင်းဆက် (၇)ဆက်တိုင်အောင် ကိုးကွယ်ဆည်းကပ်ခဲ့ကြပါသည်။ မြန်မာသက္ကရာဇ်(၁၂၁၄)ခုနှစ် ဇလွန်မြို့သူကြီး ဦးရွှေပွင့်သည် ပုဂံမင်းမယ်တော် ကြီး၏ ခွင့်ပြုချက်အရ မာရ်အောင်မြင်မုနိဘုရားကြီးအား ဇလွန်မြို့သို့ ပင့်ဆောင်ခွင့်ရ ခဲ့ပါသည်။ သက္ကရာဇ်(၁၂၁၇)ခုနှစ်တွင် အင်္ဂလိပ်နယ်ချဲ့တို့က မာရ်အောင်မြင်ဘုရားကြီး အား ကြေးပိုက်ဆံ၊ ဗုံးဆန် ၊ အမြောက်ဆန်ပြုလုပ်ရန် အိန္ဒိယပြည်သို့ သယ်ယူခဲ့ပါသည်။ ဝိတိုရိယဘုရင်မကြီး၏ ခေါင်းကိုက်ဝေဒနာပျောက်ကင်းရန် အိပ်မက်အရမာရ်အောင်မြင် ဘုရားကြီးအား မြန်မာပြည်သို့ ပြန်ပို့စေခဲ့ပါသည်။