ဘုရားအမည်	မိုဃ်းကောင်းကျောက်တော်ကြီးဘုရား
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	ပဲခူးတိုင်းဒေသကြီး(အနောက်ပိုင်း)၊ နတ်တလင်းခရိုင်၊ သဲကုန်းမြို့နယ်၊ ရွာမအုပ်စု
သမိုင်းကြောင်းရာ
(ရည်ညွှန်းစာ။ မိုဃ်းကောင်းကျောက်တော်ကြီးဘုရား၏ ဂေါပကအဖွဲ့မှ ပေးပို့ထားသော မှတ်တမ်းမှ ကူးယူဖော်ပြထားခြင်းဖြစ်ပါသည်။) မြန်မာကောဇာ ၁၂၇၂ခုနှစ်၊ မန္တလေးမြို့မှ သုံးရာသုံးဆယ့်လေးမိုင်ကွာဝေးသော မတ္တရာမြို့ စကျင်တောင်မှ စတင်ပင့်ဆောင်ခဲ့ပါသည်။ ကျောက်တုံး၏ ပမာဏမှာ အလျား (၁၀)တောင်၊ အနံ (၇)တောင်၊ အမြင့် (၄)တောင်ရှိသော စကျင်ကျောက်တုံးကြီးကို မန္တလေးမြို့မှ ရန်ကုန်မြို့သို့ မီးရထားဖြင့် ပင့်ဆောင်ပြီး ရန်ကုန်မြို့မှ သဲကုန်းမြို့ဘူတာသို့ တစ်ဆင့်ပင့်ဆောင်ခဲ့၍ ထိုမှတစ်ဖန် သဲကုန်းမြို့တောင်ဘက် BOC လမ်းခွဲမှာ ခေတ္တကိန်းဝပ်ပြီး သဲကုန်း၊ ပုတီးကုန်း၊ ဆင်မြီးဆွဲ လူထုစွမ်းအား ပညာအများဖြင့် တရွေ့ရွေ့ပင့်ဆောင်ခဲ့ရာ ရွာမကျောင်းတိုက်သို့ ရောက်ရှိပြီး မန္တလေးမြို့ ပန်းပုဆရာ ဦးညီသန်းနှင့် တပည့်များစွာ ဝိုင်းကာပုံဖော် ၁၂၇၄ ခုနှစ်၊ ကဆုန်လဆန်း (၁၄)ရက်၊ ခရစ်နှစ် ၁၉၁၂ခုနှစ်၊ ဧပြီလ (၂၉)ရက် တနင်္လာနေ့တွင် ပြီးစီးပြီး စကျင်ကျောက်ဖြင့် ထုလုပ်ထားသော မိုဃ်းကောင်းကျောက်တော်ကြီး ဘုရား၏ ဉာဏ်တော်မှာ ခုနှစ်တောင်နှင့်တစ်မိုက်ရှိပါသည်။ ဂန္ဓကုဋီတိုက်ကျောင်းတော်ကြီးကို သဲကုန်းမြို့ ဦးရွှေရောင်၊ဒေါ်မမနှင့် သား ဦးညွန့်ဟန်၊ဒေါ်ကြည်သန်း မိသားစုတို့က နှစ်လိုအားရ လှူဒါန်းကြပါသည်။ ယခင်စိုက်ပျိုးထားသော ပန်းမျိုးစုံအနက်မှ ယခုအချိန်တွင် ကံ့ကော်ပင်ကြီး နှစ်ပင်နှင့် ခရေပင်ကြီး တစ်ပင်သာ ကျန်ရှိပါတော့သည်။