ဘုရားအမည်	မြသိန်းတန်စေတီ(ဘောင်းတရာ)(သရေခေတ္တရာမြို့ဟောင်းဇုန်ရှိဒွတ္တပေါင်မင်းကြီးတည်ထားခဲ့သောဘုရား)
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	ပြည်မြို့နယ်၊ ဘန့်ပြင်ရွာနှင့် ပေါင်းတရာရွာအနီး
သမိုင်းကြောင်းရာ
(ရည်ညွှန်းစာ- ယဉ်ယဉ်မွန် (ရှေးဟောင်းသုတေသန)ရေးသားပြုစုသော သရေခေတ္တရာ ဒွတ္တပေါင်မင်းကြီးနှင့် ကမ္ဘာ့အမွေအနှစ်စာရင်းဝင် စာပေဗိမာန်စာမူဆု သုတပဒေသာ(ဝိဇ္ဇာ)ပထမဆု စာအုပ်မှ ကူးယူဖော်ပြပါသည်။) မြသိန်းတန်စေတီသည် ပြည်-ပေါင်းတလည်ကားလမ်းဘေး၊ ပြည်မြို့မှ ၁၀ မိုင်ခန့်အကွာ စပါးထောင်း ကျေးရွာ၏ တောင်ဘက် ပြည်တော်သာမြေနီလမ်းအတိုင်း ဆင်းသွားလျှင် တစ်ဖာလုံခန့်အကွာရှိ ဘန့်မြင်ရွာနှင့် ဘောင်းတစ်ရာရွာ အစပ်ကြားတွင် တည်ရှိသည်။ မြသိန်းတန်စေတီကြီးသည် သာသနာသက္ကရာဇ် ၁၀၃ မှ ၁၂၆ ခုနှစ်အတွင်း တည်ထားတော်မူခဲ့သော ဒွတ္တပေါင်မင်းကြီး၏ ကောင်းမှုဖြစ်ပြီး အုတ်ပုံသဏ္ဍာန်ဖြစ်ကြောင်းကို ၁၂၀၈ ခုနှစ်တွင် ဦးမေဓာ ရေးသားပြုစုသော ပြည်ရွှေဆံတော်သမိုင်း၊ ဦးကျော်ဒင်ဟန် ရေးသားပြုစုသော လေးဆူဓါတ်ပျော်ရွှေဆံတော်မြတ်ကြီး သမိုင်းသစ်နှင့် ဒေါ်တင်စု (ကထိက-မြန်မာစာဌာန)ရေးသားပြုစုသော သောကြမ္မာစေတီတော်မြတ်ကြီး၏ သမိုင်းအကျဉ်းစသည်တို့ကို ကိုးကား၍ သိရှိရသည်။ သရေခေတ္တရာ မြို့ဟောင်း အပြင်ဘက် အရှေ့အရပ်၌ရှိသော မြသိန်းတန်စေတီကြီး၏ ဖိနပ်တော်တွင် အင်္ဂတေကိုထွင်း၍ “မဏိစည်သူမင်း တည်ထားသော မြသိန်းတန် ၁၃၃၃-ခု စတင်ပြုပြင် ၁၃၃၇ တွင်ပြီး”ဟု ရေးထိုးထားကြောင်း တွေ့ရှိရသည်။ စေတီတော်ကြီး၏ အရှေ့မြောက်ဘက်ရှိ ဘုန်းတော်ကြီးကျောင်းတွင် သီတင်းသုံးလျက်ရှိသော ကျောင်းထိုင်ဆရာတော်မျ စေတီပတ်လည်ရှိ မဟာရံတံတိုင်းကို အင်္ဂတေဖြင့် မွမ်းမံထားသော်လည်း စေတီတော်ကြီး၏ မြောက်ဘက်မုခ်ပေါက်ဘေး အင်္ဂတေကွာထွက်နေသော နေရာရှိ အုတ်ချပ်များ အတိုင်းအတာမှာ အလျား ၁၁ လက်မ၊ အနံ ၆ လက်မ၊ ထု ၃ လက်မရှိပြီး လက်ရေးစင်းရာများပါရှိသည်။