ဘုရားအမည်	မြသိန်းတန်စေတီတော်မြတ်ကြီး
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	သဲကုန်းမြို့
သမိုင်းကြောင်းရာ
သာသနာတော်သက္ကရာဇ် ၁၀၁ ခုနှစ် ၊ တန်ခူးလဆန်း(၁)ရက်နေ့တွင် သရေခေတ္တရာမြို့ကို တည်၍ ဒွတ္တဘောင်မင်းကြီး နန်းစံတော်မူသည်။ မင်းကြီးအား မပျက်စောင့်ရှောက်စေခြင်းငှာ နတ် စစ်သည်သူရဲတစ်ကျိပ်၊ ခုနှစ်ယောက်တို့ကိုလည်းကောင်း၊ သံတမန်စေခြင်း၌ လိမ္မာသော ဘုန်းပညာ အင်္ဂါရှစ်ပါးနှင့်ပြည့်စုံသော ငနီပါး၊ ငရဲကျား၊ ပဉ္ဇင်းဖြူ၊ ပဉ္ဇင်းညိုတို့ကို သိကြားမင်းက ဆောင်နှင်းပေး ၏။ သက္ကရာဇ် ၁၆၇ ခုနှစ်၊ တပို့တွဲလဆန်း(၁၀)ရက်နေ့တွင် နန်းတော်ပြင်တည်ဆောက်ပြီး ယတြာ ပြုတော်မူသည်။ ခပ်သိမ်းသော ပြည်သူအပေါင်းတို့ကို ကိုးကွယ်စိမ်သောငှာ၊ သရီရဓါတ်တော်များကို စေတီတော်များတည်ထားတော်မူသည်။ သောကြမ္မာ၊ သည်းသည်း၊ စည်းစည်း၊ ပေါပေါ၊ လျောလျော၊ မြသီတင်၊ မြင်ဗာဟု၊ မြသိန်းတန်ဆုတောင်းပြည့်စေတီတော်များတည်ခဲ့သည်။ ဘုန်းလက်ရုံးနှင့် ပြည့်စုံ သော ဒွတ္တဘောင်မင်းကြီးသည် တရံရောအခါ မုန့်သည်မတစ်ယောက် ဆရာရဟန်းအား လှူထားသော ကျောင်း၊ ဝတ်မြေ လယ် ၅ ပယ် သိမ်းယူတော်မူမိသဖြင့် သိကြားမင်းပေးသော လှံပျံသည် စေ၍လည်း မသွား ခေါင်းလောင်းကြီးလည်း တီး၍ မမြည်ရှိ၏။ ဒွတ္တဘောင်မင်းကြီးသည် ပန်ထွာဘုရင်မအား သိမ်းယူလို၍ အမျိုးမျိုးကြံစည်ခဲ့သည်။ တောင်တွင်းပန်ထွာဘုရင်မသည် မကောင်းသော နှလုံးဖြင့် မကောင်းသော အဝတ်ပုဆိုးကိုယူ၍ မျက်နှာသုတ်တော်မူသည်။ ထိုအခါ မင်းကြီး၌ရှိသော မှဲ့ရှင်ကွယ်လေသည်။ ဒွတ္တဘောင်မင်းကြီးသည် ဘုန်းကံနိမ့်၍ ဆက်မြဲအခွန်တော်တို့ မရောက်သည်ရှိသော် ငနီပါး၊ ငရဲကျား၊ ပဉ္ဇင်းဖြူ၊ ပဉ္ဇင်းညိုတို့ကို ခေါ်တော်မူ၍ အခွန်တောင်းခံစေသည်။ သူရဲကောင်း(၄)ဦးသည်လည်း စစ်သည်အလုံးအရင်းနှင့်(၇)နှစ် တိုင်တိုင်အခွန်ခံ၍ ဆက်၏။