ဘုရားအမည်	မြို့ဦးအောင်စေတီတော်မြတ်
တိုင်းဒေသကြီး/ပြည်နယ်	မန္တလေးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	မြို့ဦးအောင်စေတီတော်မြတ်ကြီးသည် မန္တလေးတိုင်းဒေသကြီး၊ ညောင်ဦးခရိုင်၊ ကျောက်ပန်းတောင်းမြို့နယ်၊ အောင်မင်္ဂလာရပ်ကွက်၊ ကျောက်ပန်းတောင်း - မိတ္ထီလာသွား ကားလမ်းမကြီးပေါ်တွင် တည်ရှိပါသည်။
သမိုင်းကြောင်းရာ
ကျောက်ပန်းတောင်းမြို့သည် ထေရဝါဒဗုဒ္ဓဘာသာ ယုံကြည်ကိုးကွယ်မှု၌ ထူးခြားသော မြို့တစ်မြို့ဖြစ်ပါသည်။ အခြားမည်သည့်ဘာသာကိုမျှ ကိုးကွယ်ယုံကြည်မှု မရှိသကဲ့သို့ ယင်းဘာသာများနှင့်သက်ဆိုင်သော ဘာသာရေး အဆောက်အအုံများလည်း လုံးဝပင်မရှိ ကင်းစင်သော မြို့ဖြစ်သည်နှင့်အညီ ရဟန်းရှင်လူပြည်သူအပေါင်းတို့ ထာဝရ ဖူးမြှော်ကြည်ညိုနိုင်ရန် ရည်ရွယ်၍ မြို့ကျက်သရေဆောင်အဖြစ် ရွှေတိဂုံပုံတူစေတီတော် မြတ်ကြီးတစ်ဆူကို မြို့ဦးမြို့ထိပ်တွင် တည်ထားကိုးကွယ်ရေးအတွက်လည်းကောင်း အမျိုးသားရေးလက္ခဏာ ထင်ရှားစွာ တည်တံ့နိုင်ရေးတို့ကို မီးရှူးတန်ဆောင်ပမာ ထွန်းပြောင်စွာဖော်ဆောင်မှုပြယုဂ်ပြအဖြစ် ပြသနိုင်ရေးအတွက် မြို့နယ်ဩဝါဒါစရိယ ဆရာတော်ကြီးများ၊ မြို့နယ်သံဃနာယကအဖွဲ့ဆရာတော်များ၊ ကျောက်ပန်းတောင်း တပ်နယ်မှုး၊ မြို့နယ်အေးချမ်းသာယာရေးနှင့်ဖွံ့ဖြိုးရေးကောင်စီအဖွဲ့ဝင်များ မြို့မိမြို့ဖများ စုပေါင်း၍ ဆုံးဖြတ်ခဲ့ကြပါသည်။ ဆုံးဖြတ်ချက်အရ မြို့မိမြို့ဖများနှင့် စေတီတော်တည်ဆောက်ရေးကော်မတီတို့က သာသနာရေးဝန်ကြီးဌာနမှ ပုံကိုရယူပြီး ကန့်ဘလူမြို့၌ ဒုတိယဗိုလ်ချုပ်မှူးကြီးမောင်အေး တည်ထားကိုးကွယ်ခဲ့သည့်“ရွှေစည်ကြီး”စေတီတော်သို့ သွားရောက်လေ့လာခဲ့ကြပါသည်။ အဆိုပါ “ရွှေစည်ကြီး” စေတီတော်ပုံအတိုင်း တည်ထားကိုးကွယ်ရန် ရဟန်းရှင်လူ သဘောတူစွာဆုံးဖြတ်၍ အသေးစိတ်တွက်ချက်မှုများ တွက်ချက်၍ တည်ဆောက်ရေး လုပ်ငန်း စတင်ခဲ့ကြပါသည်။