ဘုရားအမည်	ရန်အောင်မင်္ဂလာကင်းဘုရားကြီး
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	ပြည်မြို့၊ ရွှေကူရပ်ကွက်တွင်ရှိပါသည်။
သမိုင်းကြောင်းရာ
(ရည်ညွှန်းစာ။ ရန်အောင်မင်္ဂလာကင်းဘုရားကြီး ဂေါပကအဖွဲ့မှ ပေးပို့သောမှတ်တမ်းမှ ကူးယူဖော်ပြထားပါသည်။) သမိုင်းကြောင်းများ ရန်အောင်မင်္ဂလာကင်းဘုရားကြီးသည် ပြည်မြို့၊ ရွှေကူရပ်ကွက်တွင်ရှိပါသည်။ ‌‌မြောက်ဘက်လား‌သော်ပွဲစားတန်း၊ အနောက်ဘက်လားသော် လမ်းမတော်လမ်း၊တောင်ဘက်လား‌သော် မြို့မရုပ်ရှင်ရုံ၊အရှေ့ဘက်လားသော် လမ်းရှည်လမ်းတို့တွင်တွင်တည်ရှိပါသည်။ ဦးပိုင်အမှတ်(၄၃၉) ဧရိယာဧက(၇၀၄)ရှိသာသနာ့မြေပေါ်တွင်တည်ရှိပါသည်။ ဘုရားဒါယကာ၊ ဒါယိကာမများ - သာသနာတော်နှစ်(၁၂၆)၊ ဘီစီ(၄၁၈)ခုနှစ်တွင် ဒွတ္တဘောင်မင်း ကြီးသည်ရွှေဆံတော်စေတီတော်မြတ်ကြီး၏ဒုတိယမြောက်ဘုရားဒါယကာအဖြစ်တည်ထားကိုးကွယ်တော်မူ ပြီးနောက်- ဒွတ္တ‌ဘောင်မင်းကြီး၏ (၁)မြောက်နန်းမတော်မိဖုရားကြီး ဥမ္မာရ‌ဒေဝီသည် ရန်အောင်မင်္ဂလာစေတီတော်ကြီး၏ပထမဆုံးဘုရားဒါယိကာမကြီးအဖြစ် တည်ထားကိုးကွယ်ခဲ့ပါသည်။ (၂)သာသနာတော်နှစ် ၁၇၉၂၊သက္ကရာဇ် ၆၀၇ ခရစ်နှစ် ၁၂၄၂ ခုနှစ်တွင် ပြည်မြို့ ထီးနန်းကိုစိုးစံတော်မူသော ပြည်မင်းသီဟသူသည် ရန်အောင်မဂ်လာစေတီတော်ကြီးကို ဒုတိယမြောက်ဒါယိကာအဖြစ် ပြုပြင်တည်ဆောက် ကိုးကွယ်ခဲ့ပါသည်။ ပြည်မင်းသားသီဟသူသည် ရန်အောင်မဂ်လာစေတီတော်ကြီးကို အသစ်တည်ဆောက် ပြုပြင်မွမ်းမံရာတွင် နိုင်ငံတော်အတွင်းရှိ ပညာရှိသုခမိန်တို့နှင့်ညှိနှိုင်းတိုင်ပင်တည်ဆောက်ခဲ့ပေသည်။ထိုအချိန်ကာလ၌ တိုင်းရေးပြည်ရေး တည်ငြိမ်အေးချမ်းသောအခါကာလမဟုတ်ချေ။ (က)မင်းအချင်းချင်းတို့ရန်မှကင်းစေခြင်း။ (ခ)သစ္စာမတည်သော မှူး မတ်၊ သေနာပတိ၊ စသည်၊ သူရဲကောင်း၊ ညာတိအဆွေခင်ပွန်း၊ ကျွေးကျွန်တို့၏အန္တရာယ်မှကင်းစေခြင်း (ဂ)ဇာတိ၊ဇရာ၊ဗျာဓိ၊မရဏအစရှိသောများစွာသော ဘေးခပ်သိမ်း၊ ရန်ခပ်သိမ်းတို့မှ ကင်းလွတ်စေခြင်း ဤသို့သော ကင်းသုံးခုတို့ကို အဓိဌာန်ပြုပြီးလျှင် “သီဟသူမင်း မြို့သစ်ခင်း ရန်ကင်းအောင်ဟိတ် "ကင်း" အတိတိ ဟူသော အောင်နိမိတ်ကိုဆောင်လျှက်” ကင်းဘုရား ဟူသော ဘွဲ့‌တော်သစ်ဖြင့်ဓာတ်‌တော်ရုပ်ပွားတော်များကို ဋ္ဌာပနာ၍ အသစ်ထပ်မံတည်ဆောက်ပြုပြင်မွမ်းကိုးကွယ်တော်မူလေသည်။ဤသို့ဖြင့် သီဟသူမင်းသည် ရန်အောင်မင်္ဂလာကင်းဘုရားကြီး ၏ဒုတိယမြောက်ဒါယကာဖြစ်ပေသည်။