ဘုရားအမည်	ရွှေဂူကြီးစေတီတော်မြတ်ကြီး(ပဲခူးမြို့)
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	/ရွှေဂူကြီးဘုရား
တည်နေရာ	ပဲခူးမြို့
သမိုင်းကြောင်းရာ
(ရည်ညွှန်းစာ : ကွန်ပျူတာတက္ကသိုလ်(တောင်ငူ) မှ ပေးပို့ထားသော မှတ်တမ်းမှ ကူးယူဖော်ပြထားခြင်း ဖြစ်ပါသည်။) မင်းတရားကြီးစေလွှတ်သောအဖွဲ့ ပြန်လာပြီး တွေ့ရှိခဲ့သည့် မဟာဗုဒ္ဓဝင်နေရာတော်မြတ် များအား ကြားနာရစဉ် အလွန်တရာဝမ်းမြောက်တော်မူ၍ မဟာဗောဓိဂန္ဓကုဋီ(ရွှေဂူကြီး) မဟာဗောဓိ ညောင်ပင်ပုံ၊ သတ္တဌာန၊ နေရဉ္ဇရာ အစရှိသည်တို့ကို တည်တော်မူလို၍ မင်း၊မိဖုရား၊မင်းညီ၊မင်းသား၊ မှူးမတ်၊ မြို့စား၊ ရွာစား အစပြည်သူ၊ပြည်သားမကျန် အလှူငွေထည့်ဝင်စေသည်။ စုစုပေါင်း ရွှေပိဿာ (၃၅၀) ရတော်မူသည်။ ၁။ မဟာဗောဓိဂန္ဓကုဋီ ကို ဓမ္မစေတီမင်းကြီး ၂။ ရာဇာယတန ကို မိဖုရားကြီး ၃။ ရတနာစင်္ကမစေတီ ကို သားတော်ဗညားရမ်း ၄။ ရတနာဃရ ကို ဝန်မြို့စားစောနုသိုင်း ၅။ အနိမိဿစေတိ ကို ပသက်မြို့စားသမိန်ရာဇ စသည့် ဗုဒ္ဗဝင်နေရာတော်မြတ်(၃၀)ကျော်အား မင်း၊ မိဖုရား၊ သားတော်၊ သမီးတော်၊ မှူးတော်၊ မတ်တော်၊ စစ်သည်သူရဲကောင်း များပါမကျန် တာဝန်ခွဲ ဝေ၍ ကြပ်မတ်တည်တော်မူစေခဲ့သည်။ ဤသို့ခန့်ထားပြီး လျင် သက္ကရာဇ်(၈၄၁)ခု၊ ကဆုန်လဆန်း (၃) ရက်၊ အင်္ဂါနေ့တွင် မဟာဗောဓိတိုက်စေတီ(ရွှေဂူကြီး) တည်တော် မူမည့် သလည်းကုန်းမြေနေရာကို စတင်မြေရှင်းလင်းစေသည်။ ဒုတိယဝါဆိုလဆန်း (၅) ရက်၊ကြာသပတေး နေ့တွင် ရွှေဂူကြီးဘုရား တည်ရန်စတင်ကျောက်မြစ်ချခဲ့သည်။ ထိုတည်ထားခဲ့သော ရွှေကူကြီးဘုရားနှင့် မဟာဗုဒ္ဓဝင်အရံဘုရားများသည် ဟံသာဝတီပြည့်ရှင် ဓမ္မစေတီမင်း၏အဖိုးတန်ဆုံးသော ကောင်းမှူတော်တစ်ခုဖြစ်သည်။ မင်းကြီးသည် မိမိ၏ကောင်းမှု ဖြစ် သောစေတီတော်ကို “ဟံသာဝတီမဟာဗောဓိ” ဟု သမုတ်ခဲ့ပါသည်။ ဘုရားသခင်၏ဓာတ်တော်များနှင့် ဆင်းတုတော်များ၊ဘုရားရှိခိုးပူဇော်ဟန် ထုဆစ်ထားသောမင်း၊ မိဖုရား၊ မင်းသား၊ မင်းသမီးများ၊ မှူးကြီးမတ်ရာများနှင့်သေနာပတိများ၏ ရုပ်ထုများကိုဌာပနာ၍ တည် ထားပါသည်။ ထို့ပြင် မဟာဗောဓိတိုက်အတွင်းတွင် မြတ်လှစွာသေညဂေါတမအဖြစ်ရောက်တော်မူပြီး ခုနှစ်ရက်ပတ်လုံးသီတင်းသုံးသည့် ဝဇီရာသနပလ္လင်တော်နှင့် ကျောက်ဆင်းတုတော်တစ်ဆူကို တည် ထားသည်။ ဂန္ဓကုဋီတိုက်အနီးတွင်လည်း အလျားအတောင်(၅၀)၊ အနံ(၂၈)တောင် ရှိသော အမိုးသုံးဆင့် တန်ဆောင်းကို ဆောက်လုပ်ခဲ့သည်။ ထိုတန်ဆောင်း၏အလယ်တွင် ပလ္လင်တော်နှင့်စန္ဒကူးဆင်းတုတော် တစ်ဆူကို တည်စေပြီး ပလ္လင်၏နောက်တွင် ရွှေ၊ ငွေ၊ သံ၊ သတ္တု တို့ဖြင့်ပြုလုပ်သည့် မဟာဗောဓိပင် သဏ္ဌာန် ဗောဓိညောင်ကိုလည်း ပြုလုပ်တည်ထားသည်။ ပလ္လင်တော်၏ ရှေ့အောက်တွင် ဝသုန္ဒရီနတ် သမီး ရုပ်ထုများဖြင့်ကာရံထားသည်။ ပလ္လင်၏ဘေးပတ်လည် ဝန်းကျင်တွင် ဗြဟ္မာရုပ်၊ သိကြားရုပ်ထုများ ထုလုပ်ထားရှိစေသည်။ တန်ဆောင်း၏အတွင်းနံရံတွင်း၌ ဘုရားရှင်အားပူဇော်နေဟန် နတ်၊ ဗြဟ္မာရုပ် စဉ့်ကွင်းများလည်း တန်ဆာဆင်လေသည်။ အိန္ဒိယနိုင်ငံ ဗုဒ္ဓဂါယာမှ ရရှိခဲ့သော မဟာဗောဓိ အကိုင်း အရွက်များကို ဌာပနာ၍ စေတီတစ်ဆူလည်းတည်သည်။ အစေ့ကိုမူ မျိုးစိုက်ကာ “အင်္ဂါရဗောဓိပင်”ဟု ကဗ္ဗည်းတပ်တော်မူခဲ့သည်။ နေရဉ္ဇရာမြစ်၊ သတ္တဌာန စသော ဗုဒ္ဓဝင်နေရာတော်များနှင့် ပုံစံတူများကို စေတီတည်ရန် တာဝန်ချထားတော် မူသည့်အတိုင်း တစ်ပြိုင်နက် တည်တော်မူပြီးသော် သက္ကရာဇ် (၈၄၄)ခု၊ ဝါဆိုလဆန်း (၅)ရက်၊ တနင်္ဂနွေ နေ့တွင် မင်းဆရာတော်(၃၇)ပါးနှင့် သံဃာတော် သုံးသောင်း ကျော်တို့အား ပင့်တော်မူ၍ ရွှေပိဿာ သုံးရာ့ငါးဆယ်ကုန်သော ပြည်သူအပေါင်း ပါဝင်သည့် အလှူကြီး ကို ဓမ္မစေတီမင်းကြီး ရေစက်သွန်းချတော်မူသည်။