ဘုရားအမည်	ရွှေဂူနီဘုရား
တိုင်းဒေသကြီး/ပြည်နယ်	စစ်ကိုင်းတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	စစ်ကိုင်းတိုင်းဒေသကြီး၊ မုံရွာမြို့နယ်၊ ကျောက္ကာရွာ
သမိုင်းကြောင်းရာ
(ရည်ညွှန်းစာ : ကွန်ပျူတာတက္ကသိုလ်(မုံရွာ)မှ ပေးပို့ထားသော အချက်အလက်များမှ ကူးယူဖော်ပြထားပါသည်။) ခေတ်အဆက်ဆက် ကျောက္ကာနှင့်ရွှေဂူနီကို ခွဲခြား၍ မခေါ်ဝေါ်ခဲ့ပေ။ ကျောက္ကာရွှေဂူနီ ဟူ၍သာ ကျောက္ကာရွာကို ကိုယ်စားပြုလျက် ခေါ်ဆိုခဲ့ကြသည်။ ကျောက္ကာရွာကြီးသည် ရှေးအခါက ကျောက်သံဦးဟု ထင်ရှားခဲ့ပြီး ထိုကျော်သံဦးရှိ အသောကစေတီသည် သီရိဓမ္မာအသောကမင်းကြီး၏ စေတီပေါင်း ရှစ်သောင်းလေးထောင်တွင် ပါဝင်ကြောင်း သမိုင်းအဆိုအရ သိရသည်။ သက္ကရာဇ် ၇၆၂ ခုနှစ် အင်းဝဘုရင်မင်းခေါင် လက်ထက်တွင် ကျောက္ကာနယ်ပိုင်မင်းသည် အသောကစေတီ ပြိုပျက်သွားသော တောင်ကုန်းနေရာ၌ စေတီတော်တစ်ဆူ တည်ထားလေရာ ကာလကြာရှည်သော် လေဒဏ်မိုးဒဏ် ရာသီဥတုဒဏ်တို့ကြောင့် တောအတိဖုံးလွှမ်း၍ စေတီတော်ကွယ်ပျောက်ခဲ့ရသည်။