ဘုရားအမည်	ရွှေစက်စက်ယိုစေတီတော်မြတ်ကြီး
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	ပြည်ခရိုင် ၊ ရွှေတောင်မြို့နယ် ၊ ဝါးတောင်အုပ်စု၊ဖားအိုင့်ရွာ
သမိုင်းကြောင်းရာ
(ရည်ညွှန်းစာ : (ရွှေစက်စက်ယိုစေတီတော် ဂေါပကအဖွဲ့မှပေးပို့သော မှတ်တမ်းမှကူးယူဖော်ပြထားပါသည်။) ရွှေစက်စက်ယိုစေတီတော်အား သရေခေတ္တရာခေါ် ရသေ့ပြည်တွင် သာသနာ့နှစ် (၁၀၁)ခုနှစ်၊ ဒွတ္တဘောင်မင်းကြီးလက်ထက် ရဟန္တာရှင်မြတ်(၃၀၀၀)ရှိကြောင်း၊ နေ့စဉ်ပစ္စည်းလေးပါး လှူဒါန်းကြောင်း၊ ဓာတ်တော်မွေတော်များကိုလည်း သောကြမ္မာ၊ ညည်းညည်း၊ စည်းစည်း၊ ပေါပေါ ၊ လျောလျော၊ မြသိတင်၊ ဘုရားတောင်၊ ဆုတောင်းပြည့် ၊ မြင်ဗာဟု၊ ပုထိုးကြီး စသည့် စေတီများကို တည်ထားကြောင်း ရာဇဝင်ကြီး နှင့် သာသနာဝင်တို့၌ ဆိုထားပါသည်။ BC(၅၀၀)ခန့်တွင် ဒွတ္တဘောင်မင်းကြီးသည် စန္ဒာဒေဝီ၊ ဗိဿနိုးမိဖုရားကြီးနှင့်အတူ ကာသိတိုင်း၊ ဗာရာဏသီပြည်သို့ လှည့်လည်တော်မူရာ မြတ်စွာဘုရား၏ ဓာတ်တော်(၁၈၂)ဆူနှင့်အတူယခုရွှေနတ်တောင် ဘုရားတည်ရှိရာသို့ ရောက်ရှိလာပြီး ဓာတ်တော်အချို့ကို ရတနာကြုပ်ဖြင့်ထည့်၍ ရွှေစေတီတစ်ထပ်၊ ငွေစေတီတစ်ထပ်မွမ်းမံပြီး ဌာပနာတော်မူသည်။ ထိုမှတဖန် တေမိဇာတ်တော်လာ သင်္ခမ်းကြီးစေတီတော် ၌ ဓာတ်တော်အချို့ ဌာပနာတည်ထားပြီး ကျန်ရစ်သော ဓာတ်တော်မွေတော်တို့ကို ဖားအိုင့်ကျေးရွာအထက် ရေစင်မြတ် တစ်စက်စက်ယိုစီးရာနေရာတွင် စက်စက်ယိုဘုရားတည်ထားကိုးကွယ်ကြသည်။ ဤစက်စက်ယိုစေတီတော်မြတ်ကြီးအနီးရှိ နတ်ရေစင်သည် အင်မတန်ထူးခြားလှပါသည်။ နွေ၊ မိုး၊ ဆောင်း တသွင်သွင် အဆက်မပြတ်စီးဆင်းနေပြီး သောက်သုံးသူအပေါင်း (၉၆)ပါးသောရောဂါဝေဒနာများ ပျောက်ကင်းစေကြောင်း၊ မျက်စိဝေဒနာရှင်များလည်း မျက်စင်းအဖြစ်ခတ်ယူအသုံးပြုနိုင်ပါကြောင်း ထူးခြား အံ့ဖွယ်တွေ့ရှိရပါသည်။