ဘုရားအမည်	ရွှေဆံတော်စေတီတော်(သရေခေတ္တရာမြို့ဟောင်းဇုန်ရှိဒွတ္တပေါင်မင်းကြီးတည်ထားခဲ့သောဘုရား)
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	https://shwesandawpagoda.org.mm
တည်နေရာ	ဗိုလ်ချုပ်လမ်း၊ ဆံတော်ရပ်ကွက်၊ပြည်မြို့
သမိုင်းကြောင်းရာ
သူတော်စင်အပေါင်း ယခု ဖူးတွေ့နေကြရသည့် စေတီတော် မြတ်ကြီးသည် ဘုရားသမိုင်းဝင် စေတီတော်ကြီး တစ်ဆူဖြစ်ပါသည်။ ဂေါတမ ဗုဒ္ဓမြတ်စွာ ဘုရား၏ ဆံတော်မြတ် (၄)ဆူ၊ အခြားမွေတော်၊ ဓာတ်တော် (၈) ဆူ၊ နိသိဒိုင်ဓမ္မခဏ်အခင်းတော်တို့နှင့် နောင်တော်ဘုရား (၃) ဆူ ဖြစ်တော်မူကြသော၊ ကကုသန်-ဂေါဏဂုံ-ကဿဖ ဘုရားရှင်တော်တို့၏ ဒုကုဋ်တော်-အံသကိုဋ် (သင်းပိုင်) တော်၊ ခါးပန်းတော်တို့ ဌာပနာထားခဲ့သည့် ဤသုဒဿနတောင်တော် မြတ်ကြီး၌ပင် ဗျာဒိတ်တော်မြတ်အရ၊ ဌာပနာ၍ မဟာသက္ကရာဇ် (၁၀၃) ခုနှစ်၊ တပေါင်းလဆန်း (၁၃) ရက်နေ့၌ အဇ္ဇိက-ဖလ္လိက ကုန်သည်ညီနောင်တို့နှင့် ဧရာပထနဂါးမင်း၊ သမ္ဘူလဘီလူးမင်း၊ သိကြားနတ်များ စတင်တည်ထားကြရာ ယင်းနှစ်တပေါင်းလပြည့်နေ့တွင် အောင်မြင်စွာ တည်ထားခဲ့ပြီး မူလက ဉာဏ်တော် (၇) တောင်၊ အလျား×အနံ (၁၄) တောင်ဖြင့် စပါးစုပုံသဏ္ဌာန် မြေစိုက် စေတီတော် ဖြစ်ခဲ့ပါသည်။