ဘုရားအမည်	ရွှေညောင်ပင်ကုန်းစေတီ(သရေခေတ္တရာမြိုဟောင်းဇုန်ရှိဘုရား)
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	သရေခေတ္တရာမြို့ဟောင်းအတွင်း တောင်လုံးညိုကျေးရွာ၏ အရှေ့တောင်ဘက် ၊ ပြည်မြို့နယ်။
သမိုင်းကြောင်းရာ
(ရည်ညွှန်းစာ- ယဉ်ယဉ်မွန် (ရှေးဟောင်းသုတေသန)ရေးသားပြုစုသော သရေခေတ္တရာ ဒွတ္တပေါင်မင်းကြီးနှင့် ကမ္ဘာ့အမွေအနှစ်စာရင်းဝင် စာပေဗိမာန်စာမူဆု သုတပဒေသာ(ဝိဇ္ဇာ)ပထမဆု စာအုပ်မှ ကူးယူဖော်ပြပါသည်။) ရွှေညောင်ပင်ကုန်းစေတီသည် တောင်လုံးညိုရွာ၏ အရှေ့တောင်ဘက် N 18.806936၊ E 95.29479 တွင်တည်ရှိပြီး အဆောက်အအုံသည် ပန္နက်ပုံစံအရ ပုဂံခေတ်ဂူဘုရားများနှင့် အနီးစပ်ဆုံး ဖြစ်သည်။ အရှေ့ဘက်သို့ မျက်နှာမူပြီး ဆောက်လုပ်ထားသော အဆောက်အအုံဖြစ်ပြီး ဆင်ဝင်ဆောင်၊ အလယ်ဆောင်၊ ဆောင်မကြီးဟူ၍ သုံးမျိုးခွဲခြားနိုင်သည်။ အရှေ့ဘက်တံခါးမှဝင်လျှင် ဆင်ဝင်ဆေင်သို့ ရောက်ပြီး ဆင်ဝင်အကျယ်မှာ အလျား ၇ ပေ၊ အနံ ၆ ပေ ၉ လက်မရှိသည်။ ဆင်ဝင်ခန်းနှင့် အလယ်ဆောင်ခေါ် ဒုတိယခန်းကို အကျယ် ၁ ပေရှိသော ကျောက်ခြေနင်းခုံဖြင့် ပိုင်းခြားထားသည်။ ဆောင်မကြီး၏ အလျားသည် ၁၈ ပေ ၅ လက်မရှိ၍ အနံ ၁၀ ပေရှိသည်။ တောင်ဘက်၊ အနောက်ဘက်၊ မြောက်ဘက်မျက်နှာတို့တွင် အကျယ် ၅ ပေ ၇ လက်မခန့်ရှိသော ပြတင်းပေါက်တို့ရှိသည်။ ပြတင်းပေါက် တို့တွင် ကျောက်လှေကားသုံးဆင့် တပ်ဆင်ထားသည်။ အဆောက်အအုံအတွင်း၌ အမြင့် ၁ ပေ ၈ လက်မခွဲ၊ အကျယ် ၁ ပေ ၄ လက်မခန့်ရှိသော လိုဏ်မုခ်လေးများ ပြုလုပ်ထားသည်။ အဆောက်အအုံ၏ ဆောင်မကြီးတွင် ဗဟိုတိုင် မပါရှိပါ။