ဘုရားအမည်	ရွှေနတ်တောင်စေတီတော်မြတ်ကြီး
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	ရွှေတောင်မြို့၊ပြည်ခရိုင်၊ပဲခူးတိုင်းဒေသကြီး (အနောက်ပိုင်း)
သမိုင်းကြောင်းရာ
(ရည်ညွှန်းစာ : သမိုင်းဝင်ရွှေနတ်တော်စေတီတော်မြတ်ကြီးဂေါပကအဖွဲ့မှ ပေးပို့ထားသော မှတ်တမ်းမှ ကူးယူဖော်ပြထားပါသည်။) မဟာသက္ကရာဇ် (၁၀၃)ခုနှစ်တွင် သိဒ္ဓတ္ထမင်းသားဘုရားဖြစ်တော်မူပြီးနောက် ဒုတိယဝါဆို မဟာသက္ကရာဇ် (၁၀၄)ခုနှစ်တွင် ဝေဋုဝန်ကျောင်းတော်တွင် ဝါဆိုတော်မူသည်။ မြတ်စွာဘုရား၏ ရွှေဉာဏ်တော်တွင် ယခုပျက်စီးလျက်ရှိသော ကဉ္စနာဂီရိနိဂုံးရွာကြီးနှင့် ဒေသရှိဆွေတော်မျိုးတော် တို့၏ ကိုးကွယ်ယုံကြည်မှုကို မြင်တော်မူကာ ထိုဒေသတွင် သာသနာအဓွန့်ရှည်စွာ တည်တံ့မည် ကိုမြင်တော်မူသည်။ သို့ဖြစ်၍ နောက်ပါသံဃာမပါဘဲ တစ်ပါးတည်း ဒေဝါဂီရိနတ်တောင်သို့ မဟာ သက္ကရာဇ် (၁၀၄)ခုနှစ် ၊ BC (၅၈၇) တွင် ကြွတော်မူသည်။ မြတ်စွာဘုရားသည် ကဉ္စနာဂီရိနိဂုံးသား နိဂုံးသူ ဆွေမျိုးများတို့သည် နတ်ကိုးကွယ်သည့် အလေ့အထ အကျင့်စရိုက်သာရှိကြောင်း သိရှိ သဖြင့် အဆိုပါနတ်တောင်သို့ နတ်သားအသွင်ဖြင့် တစ်ပါးတည်း ကြွရောက်လာခဲ့ပါသည်။ နတ် တောင်သို့ ရောက်ရှိသည့်အခါ သိကြားမင်းဖန်ဆင်းထားသော ရတနာပလ္လင်ထက်၌ သီတင်းသုံး နေတော်မူ၍ ထိုနေ့ညတွင် နတ်ပြည် ( ၆ ) ထပ်ရှိ အကုန်သော နတ် ၊ ဗြဟ္မာ တို့အား တရားဟော ချွတ်တော်မူစဉ် မြတ်စွာဘုရား၏ရောင်ခြည်တော်၊ နတ်၊ ဗြဟ္မာတို့၏ ကိုယ်ရောင်ကိုယ်ဝါတို့ ဖြင့် တစ်လောကလုံး လင်းထိန်လျက်ရှိသည်ကို ဒေဝါဂီရိတောင်ဝန်းကျင်ရှိ နိဂုံးသူနိဂုံးသား ဆွေတော် မျိုးတော်အပေါင်း မြင်ကြကုန်၏ ထိုသို့သောအခါ တောင်ထိပ်ပေါ်၌ မိမိတို့ ကိုးကွယ်သောနတ်မင်း ကြီးမှ တန်ခိုးပြသည်ဟု ယုံကြည်ပြီး နံနက်အလင်းရောက်သည့်အခါ ယခုနတ်တောင်ပေါ်သို့ လူ အများတို့ ချီတက်ရောက်လာကြကုန်၏ တောင်ထိပ်ပေါ်၌ နတ်သားအသွင်ဖြင့် မြတ်စွာဘုရားကို ဖူးတွေ့ကြရပြီး မိမိတို့ကိုးကွယ်သည့်နတ်မင်းကြီးမှ တန်ခိုးပြသည်ဟု ယုံကြည်ကြသည်။ ၂၁။ မြတ်စွာဘုရားသည် (၇)ရက်ပတ်လုံး တရားဓမ္မများကို ဟောပြောဆုံးမတော်မူသည်။ နာ ကြားကြသည့် ပရိတ်သတ်များအနက် နတ်၊ ဗြဟ္မာတို့သာ ကျွတ်တန်းဝင်ပြီး လူပုဂ္ဂိုလ်တို့မှာ သရဏဂုဏ်(၃)ပါးနှင့်တကွ (၅)ပါးသီလသာမြဲကြသည်ဟု သမိုင်းကဆိုပါသည်။ ၂၂။ (၈)ရက်မြောက်သောနေ့တွင် နောင်အနာဂတ်ကာလ၌ မိမိကိုယ်စားကိုယ်ပွားနိမ္မိတရုပ်ပွား တော်ကိုထားခဲ့လျှင် နောင်ကာလ၌ စေတီတည်ထား ကိုးကွယ်ကြကာ သာသနာတော် နှစ်ပေါင်း များစွာ အရှည်တည်တံ့မည်ကို မြင်တော်မူ၍ နိဂုံးသူနိဂုံးသားတို့အား ကြီးပွားချမ်းသာ ဖြစ်စေရန် အလို့ငှာ မိမိထားရစ်ခဲ့သည့် နိမ္မိတရုပ်ပွားတော်ကို စေတီပြုလုပ်ကိုးကွယ်ကြရန် အဓိဌာန်တော်ဖြင့် ထားခဲ့ပြီး ဝေဠုဝန်ကျောင်းတော်သို့ ပြန်လည်ကြွမြန်းခဲ့ပါသည်။ ၂၃။ ကာလတစ်ခုထိ နိမ္မိတရုပ်ပွားရွှေနတ်သားကို ကိုးကွယ်ပူဇော်ကြကုန်ပြီး အရှည်တည့်တန့် စေသောငှာ၎င်းရွှေနတ်သားရုပ်ပွားကိုစေတီတော်တစ်ဆူပြုလုပ်၍ကိုးကွယ်ရန်စေတီတော်တစ်ဆူ တွင် ဌာပနာ၍ တည်ထားခဲ့ကြပါသည်။ ထိုကဲ့သို့ စေတီတော်တည်ထားစဉ် (၇)တောင်အမြင့်သာ ရှိခဲ့၍ နေ့အခါတွင် လူတို့က တစ်ရစ်တည်ပြီးညအခါတွင်နတ်တို့ကတစ်ရစ်တည်ခဲ့ကြခြင်းကြောင့် “လူနတ်နှစ်လီတစ်ရစ်စီ စေတီရွှေနတ်တောင်”ဟု အမည်တွင်ခဲ့ပါသည်။ ရွှေနတ်ရုပ်ပွားငုံ တည် ထားခေါ်ငြား “ရွှေနတ်တောင်” ဟု သမိုင်းတွင်ခဲ့သည်။