ဘုရားအမည်	ရွှေနန်းဦးစေတီတော်
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	ပဲခူးတိုင်းဒေသကြီး (အနောက်ပိုင်း)၊ ပြည်ခရိုင်၊ ပြည်မြို့
သမိုင်းကြောင်းရာ
(ရည်ညွှန်းစာ : ရွှေနန်းဦးစေတီတော် ဂေါပကအဖွဲ့မှ ပေးပို့ထားသော မှတ်တမ်းမှ ကူးယူဖော်ပြထားပါသည်။) ရွှေနန်းဦးစေတီတော်မြတ်သည် ဗုဒ္ဓရှင်တော်မြတ်ဘုရား သက်တော်ထင်ရှားရှိစဉ်က တည် ထားကိုးကွယ်ခဲ့သည့် လေးဆူဓါတ်ပျော်ရွှေဆံတော် ဖြစ်စဉ်တော်သမိုင်းနှင့် ဆက်စပ်ပေါ်ထွန်းလာ သည့် စေတီတော်တစ်ဆူ ဖြစ်ပါသည်။ ဒွတ္တပေါင်မင်းကြီးနှင့်တကွ နန်းတွင်းသူနန်းတွင်းသားများသည် ရွှေဆံတော်စေတီတော်ငယ် အား လုံးတော်ဆင့် ဥာဏ်တော်မြှင့်၍ စေတီတော်သစ်တည်ဆောက်ရာတွင် နေ့ရောညပါ စိတ်တိုင်း ကျ အနီးကပ်ကြီးကြပ် ပါဝင်ဆောင်ရွက်နိုင်ရေးအတွက် သုဒဿနတောင်ခြေ မြောက်ယွန်းယွန်း မြေ ညီမြေပြန့်လွင်ပြင်တွင် ရဟန္တာအရှင်သူမြတ်နှစ်ပါးတို့က (ယာယီ) သုဒဿနစံနန်းမြို့ကလေးကို ဖန် တီးဆောက်လုပ်ပေးသလို (ယာယီ) သုဒဿနစံနန်းမြို့ အရှေ့မျက်နှာအနီးရှိ သီလာပထဝီကုန်း ကုန်းထိပ်ပေါ်တွင် ရွှေနန်းဦးစေတီတော်ကိုလည်း သာသနာနှစ် (၁၂၆)ခုနှစ်၊ သီတင်းကျွတ်လဆန်း (၈)ရက်နေ့တွင် အနောက်မဇ္စျိမဒေသမှ ပင့်ဆောင်လာသည့် ဗုဒ္ဓရှင်တော်ဘုရား၏ ဓါတ်တော်(၁၀၈) ဆူကို ရွှေနန်းဦးစေတီတော်တွင် ဌာပနာပြု၍ ရဟန္တာအရှင်သူမြတ်နှစ်ပါးတို့က ဒွတ္တပေါင်မင်းကြီးနှင့် တကွ မိဖုရားများ၊ မင်းညီမင်းသား၊ နန်းတွင်းသူနန်းတွင်းသားများအားလုံး ကိုးကွယ်နိုင်ရန် (ယာယီ) သုဒဿနစံနန်းဦးတွင် ရွှေနန်းဦးစေတီတော်ကိုပါ တည်ထားပေးခဲ့ပါသည်။ ရွှေနန်းဦးစေတီတော်ကို သီလာပထဝီကုန်းထိပ်မြေပြင်ပေါ်တွင် စေတီတည်ထားရာတွင် ဖိနပ် တော်အလျား(၃၆)ပေ၊ အနံ(၃၆)ပေ၊ လေးဘက်ညီပန္နက်တော်၌ ဖိနပ်တော်အမြင့်(၃)ပေပေါ်တွင် ဂန္ဓာကုဋီ(သို့) ကုလားကျောင်းအလျား(၂၉)ပေ၊ အနံ(၂၉)ပေ၊ ဂန္ဓာကုဋီ(သို့) ကုလားကျောင်းအမြင့် (၁၈)ပေရှိ လေးဘက်ညီဂန္ဓာကုဋီ(သို့) လေးထောင့်ကုလားကျောင်းခံကာ ထိုအထက်တွင် ပစ္စယာသုံး ဆင့်ပေါ်ရှိ စေတီလုံးတည်ထားသည့် သရေခေတ္တရာလက်ရာဖြစ်ပါသည်။ ရွှေနန်းဦးစေတီတော်၏မုခ်ပေါက်ဂူကို အရှေ့ဘက်မျက်နှာတွင် ဖောက်လုပ်ထားပြီး အဝင်မုခ် ပေါက်ဂူအမြင့်(၉)ပေ၊ အဝင်မုခ်ပေါက်အကျယ်(၃)ပေ၊ အဝင်မုခ်ပေါက်ဂူအတွင်း အလျား(၁၅)ပေရှိ ဂူဘုရားကို တည်ဆောက်ခဲ့ပါသည်။