ဘုရားအမည်	ရွှေဘုံသာမုနိစေတီတော်
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	ရွှေဘုံသာအုပ်စု၊ရွှေဘုံသာကျေးရွာ
သမိုင်းကြောင်းရာ
မဟာသက္ကရာဇ် ၉၇ ခုနှစ်တွင် ရက္ခပူရ ဓညဝတီ ရခိုင်ပြည်ကြီးတွင် စန္ဒာသူရိယမင်းကြီး သည် မြတ်စွာဘုရားရှင်ပွင့်တော်မူ ကြောင်းကြားသိသောအခါ ဘုရားရှင်အား ရခိုင်ပြည်သို့ ကြွရောက်ပါရန် အဓိဋ္ဌာန်ပြုပင့်ဆောင်ခဲ့ပါသည်။ ဘုရားရှင်သည် သတ္တဝါများ၏ အကျိုးကိုမြင်သောကြောင့် သက္ကရာဇ် ၁၂၃ ခုနှစ်၊ ကဆုန် လပြည့်နေ့တွင် ရခိုင်ပြည်နယ် ကျောက်တော်တစ်ဖက်ကမ်းရှိ သေလာဂီရိ တောင်ထိပ်သို့ ရဟန္တာ (၅ဝဝ) ခြံရံလျက် ကြွလာတော်မူခဲ့သည်။ စန္ဒာသူရိယမင်းနှင့်တကွ ပြည်သူ့ပြည်သားများက မြတ်စွာဘုရားသခင်နှင့် ရဟန္တာ (၅ဝဝ) တိုအား အထူးထူး ပူဇော်ကန်တော့ကြပြီး၍ ဘုရားရှင်ပြန်လည်ကြွချီတော်မူမည်ပြုစဉ် စန္ဒာသူရိ ယမင်းက မြတ်စွာဘုရား၏ ကိုယ်ပွားတော်ထားရစ်ပါရန် လျှောက်ထား တောင်းပန်ခဲ့ပါသည်။ မြတ်စွာဘုရားရှင်ကလည်း သာသနာတော် ထွန်းကားစည်ပင်ပြန့်ပွားဖွယ်မြင်သဖြင့် ကိုယ်ပွား တော်ထားရစ်ခဲ့ရန် လိုက်လျောတော်မူခဲ့သည်။ စန္ဒာသူရိယမင်းသည် လူ၊ နတ်၊ ဗြဟ္မာတိုထံမှ စုဆောင်းရရှိသည့် တန်ဖိုး ကိုးကုဋေခန့်ရှိ ရတနာ(၆၅)တင်းအား ကျိုချက်၍ ကိုယ်ပွားတော်သွန်းလုပ်စေခဲ့ပါသည်။ ယင်းသို့ သွန်းလုပ်ခဲ့ သည့် ရုပ်ပွားတော်မှာ မဟာမြတ်မုနိရုပ်ပွားတော်ပင်ဖြစ်ပါသည်။ မဟာမြတ်မုနိဉာဏ်တော်မှာ (၉ပေ ၄လက်မခွဲ) ဖြစ်ပါသည်။ ယင်းရုပ်ပွားတော်သွန်းလုပ်ရာမှ ပိုလျှံသည့် ရတနာများဖြင့် ညီတော်ကိုယ်ပွားများ သွန်းလုပ်စေရာ- (၁) ရှင်ကျော်မုနိ (ဉာဏ်တော် ၆ပေ၊ ၈ လက်မ) (၂) ရွှေဘုံသာမုနိ(ဉာဏ်တော် ၅ပေ၊ ၄ လက်မ) (၃) မာရ်အောင်မြင်မုနိ(ဉာဏ်တော် ၃ပေ၊ ၉လက်မ) ဟူ၍ မုနိသုံးဆူထပ်မံရရှိခဲ့သည်ဟု ဆိုပါသည်။