ဘုရားအမည်	ရှင်မုတ္ထီး ဘုရား
တိုင်းဒေသကြီး/ပြည်နယ်	တနင်္သာရီတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	ရှင်မုတ္ထီးဘုရားသည် ထားဝယ်မြို့၊ ရှင်မုတ္ထီးရွာတွင်တည်ရှိသည်။ ထားဝယ်မြို့ကျက်သရေဆောင် ရွှေတောင်စားစေတီတော်ဘုရားကြီးနှင့် ( ၆ ) မိုင်ကွာ ၊ ထားဝယ် - မြိတ် ကားလမ်းနံဘေးတွင် တည်ရှိပါသည်။
သမိုင်းကြောင်းရာ
ဂေါတမမြတ်စွာဘုရားသာသနာတော်သည် ကောဇာသက္ကရာဇ်(၉၃၀) လွန်၍ မင်း(၆၆)ဆက် ရောက်လတ်သောအခါ သီဟိဠ်ကျွန်းကို အစိုးရတော်မူသော မဟာနာမမင်းလက်ထက် အရှင် မဟာအရဟံ ရဟန္တာမထေရ်မြတ်ကြီးသည် ကြီးစွာသော ပူပန်တော်မူခြင်းဖြစ်တော်မူသည်မှာ သုံးလောကဘဂဝါ အစိန္တေယျာ၏ သာသနာတော်ငါးထောင်တည်သရွေ့ကာလပတ်လုံး မည်သည့် တိုင်ပြည်၊ မြို့ရွာ၌ဘုရားသာသနာတည်ထွန်းပါအံ့နည်းဟု ဆင်ခြင်တော်မူသည်ကို သိကြားမင်း သိတော်မူ၍ မထေရ်ကြီးထံ ချဉ်းကပ်ပြီးလျှင် အကျိုးအကြောင်းမေး၍ အရှင်ဘုရား စိုးရိမ်တော် မမူပါနှင့်။ ဤဘဒ္ဒကမ္ဘာဝယ် ကကုသန်၊ ကောဏဂုံ၊ ကဿပ၊ ဂေါတမ ဘုရားလေးဆူ ရုပ်ပွားတော် နှင့် သဏ္ဌာန်တူထုလုပ်တော်မူ၍ သရီရဓာတ်တော်သွင်းတော်မူပြီး ကျောက်ကမ္ပည်းထုလုပ်ပြီးလျှင် မဟာဗောဓိပင်အစစ်မှ လေးစေ့သော ဗောဓိစေ့ပျိုးလိုက်၍ လေးဌာနမြို့ဒေသသို့ သာသနာတော် တည်ရာ ကြွတော်မူပါဘုရားဟု အရှင်နှင့်တကွ ရဟန္တာအပေါင်းတို့သည်လည်းကောင်း၊ ဘုရား တပည့်တော်တို့သည်လည်းကောင်း သစ္စာအဓိဠာန်ပြုတော်မူပြီး လွှတ်တော်မူပါလျှင် အောင်မြင် တော်ပါမည်ဟု သိကြားမင်းက လျှောက်ထား၍ သိကြားမင်းစီမံသည့်အတိုင်း ထိုလေးဆူသော ကိုယ်စားတော်များကိုရေတွက်မျှောလိုက်လေ၏။ ထိုလေးဆူသော ရုပ်ပွားတော်တို့မှာ (၁) ပုသိမ်မြို့ ရှင်မုဠောဘုရား၊ (၂) ကျိုက်ထိုမြို့ ကျိုက်ပေါ လောဘုရား၊ (၃) ကျိုက္ခမီမြို့ ကျိုက္ခမီရေလယ်ဘုရား၊ (၄) ထားဝယ်မြို့ ရှင်မုတ္ထီးဘုရား တို့ဖြစ်ကြ ပါသည်။