ဘုရားအမည်	လက်သည်းရေကန်ကျောင်းတိုက် (ခ) သုံးပန်လှကျောင်းဝင်းအတွင်းရှိ နှစ်ထပ်အုတ်ကျောင်း
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	ပဲခူးတိုင်းဒေသကြီး အနောက်ခြမ်း၊ ပြည်မြို့၊ မှော်ဇာကျေးရွာအုပ်စု၊ ကမ္ဘာ့အမွေအနှစ်စာရင်းဝင် သရေခေတ္တရာ မြို့ဟောင်း၏ အရှေ့တောင်ဘက်အရပ်တွင် ရှိပါသည်။ GPS Location အရ - 18.78686667°N, 95.31629722°E တွင် တည်ရှိပါသည်။
သမိုင်းကြောင်းရာ
ပထမကမ္ဘာစစ် (၁၉၁၄-၁၉၁၈)မတိုင်မီ ဆရာတော်ဦးစာဂရ(မူလ) အား အမှူးထား၍ ကျောင်းဒါယကာ ဦးစိုးဘုံနှင့် ကျောင်းဒါယိကာမ ဒေါ်နှင်းမှုံ တို့က လှေကားနှစ်ခုပါ မူလကျောင်းဆောင်ကို ဆောက်လုပ်လှူဒါန်း ခဲ့ကြောင်း၊ ဆရာတော်ဦးစာဂရ(မူလ)၏ တပည့်ဖြစ်သူ ဆရာတော်ဦးပဏ္ဏိ လက်ထက်တွင် မန္တလေးမြို့ရှိ ကျောင်းတိုက်တစ်ခု၏ ဒီဇိုင်းပုံစံကို နမူနာယူ၍ ၁၉၁၇ ခုနှစ်တွင် ဘုရားခန်းဆောင်အဖြစ် အရှေ့ဘက်မှ တွဲဆက်ဆောင်ကို တိုးချဲ့တည်ဆောက်ခဲ့ကြောင်း၊ ကျောင်းတိုက်၏ မူလ အမည်မှာ ရွှေမြင်တင်ကျောင်းဖြစ်ပြီး ငါးဆူကျောင်း၊ တောင်‌ကျောင်း၊ မြောက်ကျောင်း ဟူ၍ အသီးသီး အမည်တွင်ခဲ့ကြောင်း၊ ဆရာတော်ဦးသီရိ လက်ထက်တွင် လက်သည်းရေကန်ရှိ သားငါးများကို သတ်ဖြတ်ခြင်းမပြုရန် စောင့်ရှောက်ခဲ့သည့်အတွက် ဒါယကာ၊ ဒါယိကာမများက လက်သည်းရေကန်ဆရာတော်ဟု ခေါ်တွင်လာရာမှ လက်သည်းရေကန်ကျောင်း ဟု အမည်တွင်လာကြောင်း၊ သုံပန်လှမင်းသမီး၏ ရုပ်တုနှင့်နတ်ကွန်း ရှိခြင်းကြောင့် နောက်ပိုင်းတွင် ထင်ပေါ် လာပြီး သုံးပန်လှကျောင်းတိုက်ဟု အမည်တွင်လာခဲ့ကြောင်း သိရှိရပါသည်။ ပုံသဏ္ဌာန် - ရှေ့မျက်နှာတွင် လှေကားနှစ်ဆင်းပါပြီး အုတ်နှင့်သစ်သား ပေါင်းစပ်၍ တည်ဆောက်ထားသော နှစ်ထပ် အုတ်ကျောင်းဆောင် ဖြစ်ပါသည်။ ရတနာပုံခတ်နှင့် ကိုလိုနီခေတ် အဆင်တန်ဆာ ဗိသုကာလက်ရာများဖြင့် ထည့်သွင်းတည်ဆောက်ထားကြောင်း တွေ့ရပါသည်။