ဘုရားအမည်	သကျမဟာမြတ်မုနိဘုရားကြီး
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	ပဲခူးတိုင်းဒေသကြီး၊ နတ်တလင်းခရိုင်၊ နတ်တလင်းမြို့။
သမိုင်းကြောင်းရာ
(ရည်ညွှန်းစာ : သကျမဟာမြတ်မုနိဘုရားကြီး၏ ဂေါပကအဖွဲ့မှ ပေးပို့ထားသော မှတ်တမ်းမှ ကူးယူဖော်ပြထားခြင်းဖြစ်ပါသည်။) သဗ္ဗာညုမြတ်စွညဘုရား ပရိနိဗ္ဗာန်စံတော်မူပြီးနောက် ပေါက္ကံပြည် စောရဟန်းမင်း ဖြိုခွင်းသက္ကရာဇ် (၁၂၅၉) ခုနှစ်သို့ ရောက်တော်မူသောအခါ ရာမညတိုင်း၊ သမိုင်းတွင်ရာ၊ သာယာဝတီနယ်သီး၊ ပြည်မီးရထား လမ်း၊ ထူးဆန်းလှစွာ၊ နတ်ရွာခပင်း၊ နတ်တလင်းမြို့သစ်၌ နေရင်းရှိသော လဲတော်တိုက်သူကြီးမင်း ဦးရွှေ ဗျော့သည် ဥက္ကဌလုပ်ပြီး နောက်လိုက်စာရင်းပါများစွာသော ဘုရားဒါယကာ ဥပသကာတို့နှင့်အတူ တိုက်နယ် အတွင်းရှိ သဒ္ဓါရှိသူတို့ လှူဒါန်းထောက်ပံ့ကူညီမှုဖြင့် မန္တလေးမြို့ရှိ မဟာမြတ်မုနိဘုရားကြီးနှင့် သဏ္ဍာန် တော်တူ ဗုဒ္ဓရုပ်ပွားတော်မြတ်ကြီး တည်ထားကိုးကွယ်ရန်အတွက် ဒုတိယရွှေကျင်သာသနာပိုင် ဆရာတော် ကြီး၏ တပည့်ရတနာပုံ မန္တလေးကျောင်းတိုက်တွင် သီတင်းသုံးတော်မူသော ဆရာတော်ဦးသုတ၏ စီစဉ် လမ်းညွှန် ဩဝါဒနှင့်အတူ မန္တလေးမြို့မှ ဗိသုကာပညာရှင်များကို ခေါ်ယူ၍ ရတနာပုံမန္တလေးကျောင်းတိုက်၏ မြောက်ဘက် ဒက္ခိဏာဒီပမြတ်ရာဌာန၌ ပန်းတဉ်းဆရာတို့သည် စက်ရဟတ်များစွာတို့ကို အသုံးပြုလျှက် များစွာသော မိုက်ခွက်တို့ဖြင့် ရွှေ၊ငွေ၊သလဲဖြူ၊သလဲမည်း၊ သလဲစင်၊ ကြေးရည်တို့ဖြင့် မြန်မာသက္ကရာဇ် (၁၂၅၉) ခုနှစ်၊ တန်ခူးလမှစတင် သွန်းလောင်းပူဇော်ကြရာ နယုန်လဆန်း (၁၃)ရက်၊ အင်္ဂါနေ့တွင် အပြီးတိုင် သွန်းလောင်းအောင်မြင်တော်မူခဲ့ပြီး ကြေးအချိန်(၄၁၀၀) လေးထောင်တရာ ဉာဏ်တော်အမြင့် (၇)တောင် (၂)မိုက်ရှိတော်မူသော သကျမဟာမြတ်မုနိမည်ရှိခေါ်တွင် ဗုဒ္ဓရုပ်ပွားဆင်းတုတော် မြတ်ကြီးအား တည်ထား ကိုးကွယ်ရန်တော်မူခဲ့ပါသည်။