ဘုရားအမည်	သကျမုနိမိုဃ်းကောင်းဘုရားကြီး
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	နတ်တလင်းခရိုင်၊ ပေါင်းတည်မြို့။
သမိုင်းကြောင်းရာ
(ရည်ညွှန်းစာ : (သကျမုနိမိုဃ်းကောင်းဘုရားကြီး၏ ဂေါပကအဖွဲ့မှ ပေးပို့ထားသောမှတ်တမ်းမှ ကူယူဖော်ပြထားပါသည်။) ဗုဒ္ဓမြတ်စွယ်တော် ရတနာကိန်းဝပ်ရာ ရွှေကျောင်းကြီးတိုက် သာသနာ့နယ်မြေအတွင်း အခြားဖူးမြှော်နိုင်သော ဗုဒ္ဓရုပ်ပွားတော် စေတီတော်နှင့် လေ့လာစရာ သာသနိက အဆောက်အအုံပေါင်းများစွာရှိပါသည်။ နှစ်ပေါင်း(၁၀၀) ကျောက်ကာလ ဆောက်လုပ် လှူဒါန်းသော အဆောက်အဦများဖြစ်ပါသည်။ ထင်ရှားသော ဗုဒ္ဓရုပ်ပွားတော်မြတ်ကြီးမှာ သကျမုနိမိုဃ်းကောင်းဘုရားကြီးဖြစ်ပါသည်။ မြန်မာသက္ကရာဇ်-၁၂၅၈ခုနှစ်၊ ပထမဝါဆိုလပြည့်ကျော် (၃) ရက် ၊ ခရစ်နှစ်-၁၈၉၆ခုနှစ်တွင် သွန်းလောင်းပူဇော်ကိုးကွယ်ခဲ့သည်။ အမြင့်ဉာဏ်တော် (၇) တောင်ရှိပြီး ရွှေကျောင်းကြီးတိုက် ပထမ ပဓါန နာယက ဆရာတော်ကြီး ဦးဝိမလ ဦးစီးဦးဆောင်ပြုလျှက် ပေါင်းတည်မြို့သူ-မြို့သား၊ နယ်သူ-နယ်သားအများ စုပေါင်းကောင်းမှုဖြင့် ကြေးပိသာချိန် (၃၄၀၀) ဖြင့် သွန်းလောင်းပူဇော်ကိုးကွယ်ခဲ့သော ရုပ်ပွားတော်မြတ်ကြီးဖြစ်သည်။ ပေါင်းတည်မြို့၊ဗုဒ္ဓမြတ်စွယ်တော်သည်၊ရန်ကုန်-ပြည် ကားလမ်း၊မီးရထားလမ်းများ ဖြတ်သန်းသွားရာ ပဲခူးတိုင်းဒေသကြီး၊ပေါင်းတည်မြို့၌ တည်နေကိန်းဝပ်တော် မူသည်။ ဗုဒ္ဓမြတ်စွယ်တော်ရတနာအား မြန်မာသက္ကရာဇ် ၁၂၅၉-ခုနှစ်(ခရစ်နှစ်-၁၈၉၇ခုနှစ်)တွင် ပေါင်းတည်မြို့၊တိုက်သူကြီးမင်း ဉီးဖိုးမြ+ဇနီး ဒေါ်နုတို့မှ ပေါင်းတည်မြို့၊ ရွှေကျောင်းကြီး တိုက်၊ပထမ ပဓါန နာယက ဆရာတော်ဘုရားကြီး ဦးဝိမလ၏ တိုက်တွန်းစီမံ၍ ဩဝါဒအရ သီဟိုဋ်(ယခုသီရိလင်္ကာနိုင်ငံ)ကန္ဒီမြို့မှ ပေါင်းတည်မြို့မှ ပေါင်းတည်မြို့သို့ ပင့်ဆောင်ပူဇော်ခဲ့ ခြင်းဖြစ်ပါသည်။ တိုက်သူကြီးမင်းဉီးဖိုးမြ+ဒေါ်နုတို့နှင့် မိသင်္ဂဟစုတို့သည် သီရိလင်္ကာနိုင်ငံသို့ ဘုရားဖူး သွားရောက်ခဲ့ရာမှ ဂေါတမမြတ်စွာဘုရား၏ လက်ဝဲအောက်စွယ်တော်မြတ်ရတနာအား ဖူးမျှော်ပူဇော်၍မဝ အထပ်ထပ်ဖူးမျှော်ခဲ့ကြရာမှ မိမိတို့အရပ်ဒေသတွင်လည်း ဤကဲ့သို့သော စွယ်တော်မြတ်ရတနာပေါ်ထွန်းပါက အများပြည်သူဝေနယျာလည်းဖူးမျှော်ပူဇော်၍ ကုသိုလ်ရ၊ မိမိတို့လည်းအမြဲမပြတ် ပူဇော်ဖူးမျှော်နိုင်မည့် အရေးတွေးဆပြီး ဂေါတမြတ်စွာ ဘုရား၏ လက်ဝဲအောက်ဓါတ် စွယ်တော်မြတ်နှင့်ဉာဏ်တော်၊လုံးပတ်တော်၊အရွယ်တော် တသဝေမတိမ်း တူညီတော်မူသော စွယ်စုံမင်္ဂလာဆင်တော်၏ လက်ဝဲဘက်စွယ်တော်၏ အကာမပါအနှစ် သက်သက်ဖြင့်ပုံတော်တူ သွန်းထုစေလျှက် သီဟိုဠ်စွယ်တော်စောင့်အမတ်ကြီးတို့ထံ ခွင့်ပန်၍ ဗုဒ္ဓမြတ်စွာ၏လက်ဝဲ အောက်ဓါတ်စွယ်တော်မြတ်နှင့် တဆက့်ငါးရက် (၁၅) ရက်တိုင်တိုင် ရတနာကြုတ်တော်အတွင်း နှစ်ဆူတည်းထည့်သွင်းကာ စံမ္ပါတ်တော်မူခဲ့ပါသည်။ (၁၅)ရက်ပြည့်သောအခါ ဦးဖိုးမြ+ဒေါ်နု တို့မှ ဗုဒ္ဓမြတ်စွာတော်ရတနာအား ဝပ်တွားခယ ရှိခိုးတောင်းပန်လျက် မြန်မာပြည်သို့ ထိုခေတ်ထိုအခါက မီးသင်္ဘောဖြင့် ပင့်ဆောင်ခဲ့ကြပြီး ရန်ကုန်မြို့သို့ ရောက်ရှိခဲ့ပါသည်။ ရန်ကုန်မြို့မှ တဆင့်အထူးမွမ်းမံအပ်သော အထူးမီးရထားဖြင့် ပင့်ဆောင်ခဲ့ရာ ပေါင်းတည်မြို့သို့ မြန်မာသက္ကရာဇ် ၁၂၅၉-ခုနှစ်၊တော်သလင်းလဆန်း (၁၃) ရက်နေ့ (ခရစ်နှစ်-၁၈၉၇-ခုနှစ်၊စက်တင်ဘာလ -၈)ရက်နေ့၊နေ့လည်(၂း၀၀)နာရီ အချိန်တွင် ပေါင်းတည်မြို့သို့ကြွရောက်တော်မူသည်။ထိုရောက်ရှိချိန်၌ ရတနာပြဿဒ်တော်အားဆင်ရတနာ နှင့်တင်၍ မြတ်စွယ်တော်အား ပင့်ဆောင် ပူဇော်ခဲ့ကြပါ သည်။အတီး၊ အမှုတ်၊ အကအခုန် တို့ဖြင့်မြို့ပေါ်လှည့်လည်ခဲ့ကြရာမှ နောက်ပိုင်းနှစ်များတွင်လည်း မြန်မာသက္ကရာဇ်နှင့် တွက်စစ်၍ တော်သလင်းလန်း(၁၃)ရက်နေ့ရောက်တိုင်းမြို့ပေါ်သို့ ရတနာများနှင့် ပင့်ဆောင်ကာဗုဒ္ဓပူဇနိယ ပူဇော်ပွဲတော်ကြီးများကို ပွဲတော်ရက်(၄) ရက်ဖြင့် နှစ်စဉ်ပြုလုပ်ခဲ့ကြပါသည်။