ဘုရားအမည်	သီရိမင်္ဂလာတောင်တော်(တောင်ကွဲ)စေတီ
တိုင်းဒေသကြီး/ပြည်နယ်	ကယားပြည်နယ်
Website Address	ဘုရားသမိုင်းများကြည့်ရန်
တည်နေရာ	ကယားပြည်နယ်၊ လွိုင်ကော်မြို့တွင်တည်ရှိပါသည်။
သမိုင်းကြောင်းရာ
ကယားပြည်နယ်၊ လွိုင်ကော်မြို့ကျက်သရေဆောင် သီရိမင်္ဂလာတောင်တော်သည် (အမြင့်ပေ ၁၃၄ ပေရှိ ကျောက်တောင် တောင်ထွဋ်ကြီး ကိုးခြမ်းခွဲလျှက် သဘာဝအနေအထားအရ ထူးခြားစွာဖြစ်ပေါ်လျက်ရှိသည့် မြန်လာလို “တောင်ကွဲတောင်” ရှမ်းလို “လွိုင်ဖာတက်” ကယားလို “ဖေါ်ဖြဲ” ဟူ၍ ခေါ်ဆိုထားသော တောင်တော်သည် သိုက်တဘောင်အဆိုအရ ကယားအယူအဆ များစွာရှိသော်လည်း သမိုင်းဝင်ဟူသော ယူဆချက်ဖြင့် ဤတောင်တော်သည် ကိုးစိတ်ကိုးမွှာ ကွဲနေသော်လည်း သာသနာပြုမင်း ပေါ်ထွန်းလာသောအခါ ဤတောင်တော်တွင် စေတီတော်တစ်ဆူ တည်ထား ကိုးကွယ်လတ္တံ့ ဟုဆိုထားပါသည်။၁၈၈၉ ခုနှစ် ကန္ဒရဝတီစောဖျာ စဝ်လဝီ လက်ထက်တွင် ကျေးဇူးသစ္စာစောင့်သိသော ဦးနီအားအမတ်ကြီးရာထူးဖြင့် သီရိဒေါ(လွိုင်ကော်မြို့)ကို အပိုင်စားပေးလိုက်သည်။ အမတ်ကြီးဦးနီသည် သီရိဒေါမြို့ကို ပြုပြင်ခြင်း ရောင်းဝယ်ဖောက်ကားရန်အတွက် စျေးကြီးများကိုတည်ဆောက်ခြင်း ပြုလုပ်ပြီး ၁၈၉၅ ခုနှစ်တွင် အမတ်ကြီးဦးနီအကြီးအမှူးပြု၍ အဖွားပေါင်အု ပွဲစားညင်းတို့က သာသနာပြု တလီလောဘုန်းတော်ကြီး၏ ညွှန်ကြားချက်အရ ရွှေယပ်တောင်ကို ဋ္ဌာပနာပြုကာ ဉာဏ်တော်အမြင့်(၂၂)တောင်ရှိ ရွှေယပ်တောင်စေတီတော်ကို စတင်တည်ထားကိုးကွယ်ခဲ့ပါသည်။ ခရစ်သက္ကရာဇ်(၁၉၄၈)ခုနှစ်တွင် ပါလီမန်အတွင်းဝန် ဦးစိန်နှင့် သမားတော်ကြီး ဦးဘအေးတို့က (တောင်ကွဲ)ဟူသောအမည်နှင့် မသင့်လျှော်၍ မြို့တော်သည် “သီရိဒေါ” တောင်ကို “သီရိတောင်”ဟုခေါ်ဆိုရန် ပြောကြားခဲ့ကြပြီး ခေတ်ကာလအလျှောက် “မင်္ဂလာသီရိတောင်”ဟု သဘောတူခဲ့ကြပါသည်။ ထို့နောက် “မင်္ဂလာသီရိတောင်” ကို “သီရိမင်္ဂလာတောင်”ဟူ၍ ၁၉၇၀ ပြည့်နှစ်တွင် ပြောင်းလဲခေါ်ဆိုခဲ့ပါသည်။ “ကျက်သရေမင်္ဂလာနှင့်ပြည့်စုံသောတောင်” ဟု အဓိပ္ပါယ်ရပါသည်။