ဘုရားအမည်	သောကြာမာစေတီ(သရေခေတ္တရာမြို့ဟောင်းဇုန်ရှိဒွတ္တပေါင်မင်းကြီးတည်ထားခဲ့သောဘုရား)
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	ပန်းတင်ရွာ၊ ပြည်မြို့နယ်။
သမိုင်းကြောင်းရာ
(ရည်ညွှန်းစာ- ယဉ်ယဉ်မွန် (ရှေးဟောင်းသုတေသန)ရေးသားပြုစုသော သရေခေတ္တရာ ဒွတ္တပေါင်မင်းကြီးနှင့် ကမ္ဘာ့အမွေအနှစ်စာရင်းဝင် စာပေဗိမာန်စာမူဆု သုတပဒေသာ(ဝိဇ္ဇာ)ပထမဆု စာအုပ်မှ ကူးယူဖော်ပြပါသည်။) သောကြမ္မာစေတီတော်ကြီးသည် နဝင်းချောင်းမြောက်ဘက်၊ တမကောက်အုပ်စု၊ ပန်းတင်ရွာအနီး၊ ပြည်မြို့တွင် တည်ရှိသည်။ ပြည်-အောင်လံကားလမ်းပေါ်မှသွားလျှင် စံပြရပ်ကွက်သစ် တီတွတ်ကျေးရွာမှ အနောက်တောင်ဘက် တစ်မိုင်ခန့်အကွာ သောြကမ္မာ ဆရာတော်ဦီးဥတ္တမနှင့် တပည့်ဒါယကာ၊ ဒါယိကာမတို့မှ မြေနီလမ်းဖောက်ထားသည့်အတွက် အလွယ်တကူ သွားရောက်နိုင်သည်။ သောကြမ္မာစေတီတော်မြတ်ကြီးသည် သာသနာသက္ကရာဇ် ၁၀၁ ခုနှစ်တွင် သီရိခေတ္တရာ၊ ရာမတိုင်း၊ ဣသိနဂရ ရသေ့ပြည်၍ မင်းပြုပြီး အနှစ် ၇၀ တိုင် နန်းစံတော်မူခဲ့သည့် ဒွတ္တပေါင်မင်းကီုးသည် ကမ်းယံပြည်မှ ရရှိလာသော ဓာတ်တော်ကိူးဆုပ်ကို တစ်ဆုပ်စီ ဌာပနာ၍ တည်ထားကိုးကွယ်ခဲ့သော နဝင်းကျေစည်းခုံအကျော် ကူးဆူတွင် ပါဝင်သည့် ပဥ္စမမြောက် သမိုင်းဝင်စေတီတော်ကြီးဖြစ်သည်။ ရှေးနှစ်ပေါင်း နှစ်ထောင်ကျော်က ဒွတ္တပေါင်မင်းကြီး တည်ထားကိုးကွယ်ခဲ့သော စေတီကိူးဆူအနက် သောကြမ္မာစေတီတော်မြတ်ကြီးတွင်လည်း မြတ်စွာဘုရား၏ ဓာတ်တော်တစ်ဆုပ်အပြင် မြတ်စွာဘရား၏ ခြေမတော်၍ဖြစ်သော ခြေသည်းတော်၊ ဒွတ္တဘောင်မင်းကြီးတောင်းဆို၍ သမိဒ္ဓမည်သော ဘုမ္မစိုးနတ်ဆောင်ယူခဲ့သည့် ဣန္ဒပတ္တနဂိုရ်မှ မြတ်စွာဘုရား၏ အသုံးအဆောင်ဖြစ်သော ပဲခွပ်တော်တို့ကို ဌာပနာထားသည်။ သောကြမ္မာစေတီသည် အရှင်သောြကမန္ဒဗဟုသုတမထေရ် စောင့်ကြပ်သည်ကို အကြောင်းပြုကာ သောကြမန္ဒဗဟုသုတ စေတီဟု တွင်ခဲ့သည်။ ဗိသုကာလက်ရာအနေဖြင့် ပစ္စယာသုံးဆင့်ပေါ်တွင် စေတီလုံးပေါက်ထားသည်။ ဒုတိယ ပစ္စယံတွင် ကလသာအိုးလေးအိုးရှိသည်။ ကျန်ပစ္စယာများတွင် စေတီရံ ရှစ်ဆူရှိသည်။