ဘုရားအမည်	အာနန္ဒာဘုရား
တိုင်းဒေသကြီး/ပြည်နယ်	မန္တလေးတိုင်းဒေသကြီး
Website Address	https://anandapagoda.org.mm
တည်နေရာ	မြင်းကပါရွာ၊ ပုဂံ၊ မန္တလေးတိုင်းဒေသကြီး
သမိုင်းကြောင်းရာ
တရံခါသော် ကျန်စစ်သားမင်းတရားက အရှင်မြတ်တို့အား အရှင်မြတ်တို့ သီတင်းသုံးခဲ့ရာ ဂန္ဓမာတောင်ရှိ နန္ဒမူလှိုဏ်ဂူကို တန်ခိုးတောင်ဖြင့် သဏ္ဍာန်တူစွာ ပြု၍ ပြတောင်မူရန် လျှောက်ထား တောင်းပန်သည်။ အရှင်မြတ်တို့ကလည်း တန်ခိုးဖြင့် ပြတောင်မူသော် နန္ဒမူလှိုဏ်ဂူ ၏ တင့်တယ်သော အသရေကို မင်းတရားကြီး အလွန်တရာနှစ်သက်ကြည်ညိုခြင်းဖြစ်သည်။ ထို့ကြောင့် မူလရည်ရွယ်ရင်း ရှိခဲ့သော ဘုရားရှင်လေးဆူ စံပါယ်ရန် နန္ဒမူလှိုဏ်ဂူ သဏ္ဍာန် ကောင်းမှုတော် တစ်ဆူကို တည်ဆောက်၍ ပူဇော်ကိုးကွယ်ရန် အကြံဖြစ်တော် မူသည်။ ရဟန္တာ အရှင်မြတ်တို့အားလည်း ကူညီစောင်မရန် လျှောက်ထားတောင်းပန်သည်။ မထေရ်မြတ် တို့ကလည်း သဘောတူညီ ကြသဖြင့် ကောဇာသက္ကရာဇ် (၄၅၂)ခုနှစ် အတွင်း၌ပင် အာနန္ဒာဘုရားကို စတင်တည်ဆောက်ရန် စီမံလေသည် ။ဆိုကြသည်။ ဌာပနာတော်တိုက် အတွင်း၌ သွင်းထားပူဇော်အပ်သော ဓာတ်တော်များ ကား ဂေါတမ ဘုရားရှင်၏ လက်သန်း ဓာတ်တော်လေးဆူ၊ သွားတော်ဓာတ်တော်တဆူ ၊ ပုဆစ်ခုန်ညင်းဓာတ်တော်တဆူ၊ လည်ရိုး တော်တဆူ၊ ဦးခေါင်းဓာတ်တော်တဆူ၊ ပါးစောင် ဓာတ်တော်တဆူ၊ ဆံတော်ဓာတ်တော်တဆူ တို့အပြင် သရီရဓာတ်တော် အစစ်ချည်း ၃၀၀ ကျော်တို့နှင့် သင်းပိုင်တော်လည်း ပါဝင် သည်။