ဘုရားအမည်	ဥပ္ပါတသန္တိစေတီတော်
တိုင်းဒေသကြီး/ပြည်နယ်	နေပြည်တော်
Website Address	https://uppatasantipagoda.org.mm
တည်နေရာ	ရာဇဌာနီလမ်း၊ ပုဗ္ဗသီရိမြို့နယ်၊နေပြည်တော်
သမိုင်းကြောင်းရာ
ပြည်ထောင်စုမြန်မာနိုင်ငံတော်၊ နိုင်ငံတော်အေးချမ်းသာယာရေးနှင့်ဖွံ့ဖြိုးရေး ကောင်စီဥက္ကဋ္ဌ၊ တပ်မတော်ကာကွယ်ရေးဦးစီးချုပ်၊ ဗိုလ်ချုပ်မှူးကြီးသန်းရွှေ သည် နိုင်ငံတော် သံဃမဟာနာယကဆရာတော်ကြီးများနှင့် စစ်ကိုင်းတိုင်း မုံရွာမြို့ ဗောဓိတစ်ထောင် ဆရာတော် အဂ္ဂမဟာသဒ္ဓမ္မဇောတိကဓဇ၊ ဘဒ္ဒန္တနာရဒနှင့် ရန်ကုန်တိုင်း သင်္ကန်းကျွန်းမြို့နယ် ပုညနိမ္မိတာရာမ ရွှေသုဝဏ်ကျောင်းတိုက်ဆရာတော် အဂ္ဂမဟာပဏ္ဍိတ အဂ္ဂမဟာသဒ္ဓမ္မဇောတိကဓဇ ဘဒ္ဒန္တသဒ္ဓိယ မထေရ်မြတ် တို့၏ ဩဝါဒကိုခံယူကာ ရွှေတိဂုံစေတီ တော်မြတ်ကြီး ဉာဏ်တော်ထက် အမြင့်တစ်ပေလျော့၍ ဉာဏ်‌တော် အမြင့် ၃၂၅ ပေဖြင့် ရွှေတိဂုံပုံတူ “ဥပ္ပါတသန္တိစေတီတော်မြတ်ကြီး” ကို တည်ထား ကိုးကွယ်ခဲ့ကြပါသည်။ “ဥပ္ပါတ” ဖြစ်ပေါ်တွေ့ကြုံလာသည့် ဘေးအန္တရာယ် အားလုံးကို “သန္တိ” ငြိမ်းအေးစေခြင်း ဟူသော အနက်အဓိပ္ပာယ်ကို ရယူကာ ဥပ္ပါတသန္တိ စေတီတော် ဟူ၍လည်းကောင်း၊ စေတီတော်တည်ထားသည့် ကုန်းတော်အား “ဥပ္ပါတ သန္တိကုန်းတော်” ဟူ၍လည်းကောင်း ပူဇော်သမုတ်ခဲ့ကြပါ သည်။