ဘုရားအမည်	ဥယျာဉ်မှူးစေတီ
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	ရွာဘဲနယ်မြေ၊မူယာပင်ရပ်၊ပြည်မြို့၊ပဲခူးတိုင်းဒေသကြီး(အနောက်ပိုင်း)
သမိုင်းကြောင်းရာ
(ရည်ညွှန်းစာ : ဥယျာဉ်မှူးစေတီတော်မြတ်ကြီး ဂေါပကအဖွဲ့မှ ပေးပို့ထားသော မှတ်တမ်းမှ ကူးယူဖော်ပြထားပါသည်။) ဥယျာဉ်မှူးစေတီတော်မြတ်ကြီးကို အလယ်နန်းမိဖုရား ကုမ္ဘဝတီ (ခေါ်) ပိဿတိုးဒေဝီက တည်ထားပါသည်။ သာသနာ့ဒါယကာ ဒွတ္တပေါင်မင်းကြီး၏ မြောက်နန်းစံမိဖုရား ဥမ္မာရဒေဝီက သားရတနာ “ဒွတ္တဇံ” ကိုလည်းကောင်း၊ အလယ်နန်းမိဖုရား ဗိဿနိုးဒေဝီက ဒွတ္တရာဇ်ကိုလည်းကောင်း မီးရှူးသန့်စင် ဖွားမြင်တော်မူခဲ့ပါသည်။ ထိုသားတော်နှစ်ပါးတို့သည် ရဟန္တာမထေရ်တို့၏ တရားဒေသနာတော်များကို နာကြားပြီးရန္ဟာအရှင်သူမြတ်အဖြစ် ရတော်မူပါသည်။ ဒွတ္တပေါင်မင်းကြီးသည် သားတော်နှစ်ပါး အရှင်စန္ဒာသီရိ(ဒွတ္တဇံ) နှင့် အရှင်စန္ဒာဂရာဇ် (ဒွတ္တရာဇ်)တို့က ပင့်ဆောင်ပေးသည့် ဓာတ်တော်များကို ဌာပနာသွင်းရန် ကိုးဆူသောစေတီများ တည်ထားခဲ့သည့်အပြင် ဗိဿနိုးမိဖုရားကလည်း ၁၂ ဆူသောစေတီတော်တို့ကို တည်ထားကိုးကွယ်ခဲ့ပြီး ထိုစေတီများအနက် ဥယျာဉ်စေတီတော်သည်လည်း တစ်ဆူအပါအဝင်ဖြစ်ပါသည်။