ဘုရားအမည်	ကောင်းမှု့တော်စေတီတော်မြတ်ကြီး
တိုင်းဒေသကြီး/ပြည်နယ်	ပဲခူးတိုင်းဒေသကြီး
Website Address	/ကောင်းမှုတော်ဘုရား
တည်နေရာ	တောင်ငူမြို့၊ ကေတုမတီနန်းတော်အပြင်ဘက်၊ ကောင်းမှုတော်ရွာအတွင်းတွင် တည်ရှိ ပါသည်။
သမိုင်းကြောင်းရာ
(ရည်ညွှန်းစာ : ကွန်ပျူတာတက္ကသိုလ်(တောင်ငူ) မှ ပေးပို့ထားသော မှတ်တမ်းမှ ကူးယူဖော်ပြထားခြင်း ဖြစ်ပါသည်။) တောင်ငူမြို့၊ ကေတုမတီနန်းတော်အပြင်ဘက်၊ ကောင်းမှုတော်ရွာအတွင်းတွင် တည်ရှိ ပါသည်။ ဘုရင့်နောင်မင်းတရားကြီးက ပြည်မြို့ကို ပထမအကြိမ် တိုက်ခိုက်ရာ အောင်မြင် ခြင်းမရှိသဖြင့် တောင်ငူသို့ ပြန်လည် ဆုတ်ခွာခဲ့ရပြီး ဒုတိယအကြိမ် မတိုက်ခိုက်ခင် သက္ကရာဇ် ၁၅၅၁ ခုနှစ်၌ ဤကောင်းမှုတော်စေတီအား တည်ထားကိုးကွယ်ကာ စေတီတော်မှ အောင်မြေကိုနင်း၍ သွားရောက်တိုက်ခိုက်ရာ အောင်မြင်သဖြင့် ကောင်းမှုတော် စေတီ (သို) ဘုရင့်နောင်အောင်မြေဟု ခေါ်တွင်သည်ဟု သိရပါသည်။ ခရစ်နှစ် ၁၆၀၂ ခုနှစ် တွင် ဘုရင့်နောင်၏တူတော် ရွှေနန်းတည်မင်းတရားနှင့် မိဖုရားတို့မှ ဉာဏ်တော် ငါးတောင် နှစ်မိုက်မြှင့်၍ ပြုပြင်မွမ်းမံခဲ့သည်။ ဗြိတိသျှလက်ထက်တွင် စေတီတော်သည် ပျက်စီး ယိုယွင်း၍ ခြုံနွယ်များ ဖုံးလွှမ်းနေခဲ့သည်။ မြန်မာသက္ကရာဇ် ၁၂၄၁ ခုနှစ် (အေဒီ ၁၈၇၉) တွင် ရခိုင်စုရွာသား ဦးဖိုးချွန်းက ချုံနွယ်များဖုံးလွှမ်းနေသော စေတီတော်ကို ပြန်လည်တွေ့ ရှိခဲ့သဖြင့် မြို့သူမြို့သားများက ဝိုင်းဝန်းပြုပြင်မွမ်းမံ၍ ထီးတော်သစ် တင်လှူပူဇော်ခဲ့ကြ ပါသည်။