တော်သလင်းလ

စေတီတော်ကြီးကို စတင်တည်ဆောက်ပြီးစီးအောင်မြင်ခဲ့သည် (၉၁၄) ခုနှစ်မှစ၍ ဆွမ်းတော်ကြီးတင်လှူပူဇော်ပွဲကို ယနေ့တိုင်အစဉ်အလာမပျက်စေဘဲ ကျင်းပပြုလုပ်လျက်ရှိပါသည်။ တော်သလင်းလဆန်း (၁၄)ရက်နေ့တွင် အလှူရှင်များမှ သစ်သီးများ၊ မုန့်ဆွမ်းခဲဖွယ် များကို လာရောက်လှူဒါန်းကြပါသည်။ အလှူရှင်များအား မုန့်ဟင်းခါးဖြင့် ဧည့်ခံကျွေးမွေးပြီး တောင်ငူရိုးရာ အစားအစာဖြစ်သည့် ချိပ်ဆိုးထမင်းနှင့် တို့ဟူး တို့ကိုလည်းဝေငှပေးပါသည်။ တော်သလင်းလပြည့်နေ့ နံနက်တွင် သံဃာတော်များအား ပင့်ဖိတ်၍ ဆွမ်းကပ်လှူဒါန်းခြင်း၊ အလှူရှင်များလှူဒါန်းထားသော လှူဖွယ်များအား မြတ်စွာဘုရားအားဆက်ကပ်လှူဒါန်းခြင်းများ ဆောင်ရွက်ကြပါသည်။