မယ်ဒက်ကယ်စေတီတော်မြတ်ကြီး                   

                   မယ်ဒက်ကယ်ဆရာတော် ဦးဝိရိယသည် ရဟန်းငယ်ဘဝတွင် တောင်ငူ မြို့ အရှေ့ဘက် သောက်ရေခပ်ချောင်း‌‌ဘေးကျောက်ပါးစပ်ရွာ အရှေ့(၈)မိုက်ခန့်အကွာရှိ ကျောက်ဂူထဲတွင် သီတင်းသုံးတောရဆောက်တည်နေသည်။ ထိုအချိန်တွင်ရေတာရှည် မြို့နယ် သာယာကုန်းရွာနေ အင်္ဂလိပ်သစ်ကုမ္ပဏီမှ ဆင်လုပ်သား၊ခေါင်းဆောင် ဦးထွေးကျော်နှင့် တွေ့ဆုံခဲ့ရသည်။ ဦးထွေးကျော်က သာယာကုန်းရွာမှ ရေတာရှည်သို့သွားရာလမ်း၌ ဘုရားငုတ်တိုတစ်ဆူရှိကြောင်း၊ ၄င်းအနီး၌ကျောင်းဆောက်လုပ်လှူဒါန်းပြီး ဆရာတော်သီတင်းသုံးပါမည့် အကြောင်း လျှောက်ထားသည်။ ဦးထွေးကျော်၏လျှောက်ထားမှုလက်ခံပြီး ကျောင်းထိုင်သီတင်းသုံးတော် မူသည်။ ကျောင်းသင်္ခမ်းအနီးရှိ ပျက်စီးယိုယွင်းနေသည့် ဘုရားပျက်များ၊ ခြုံနွယ်၊ သစ်ပင်များခုတ်ထွင် ရှင်းလင်းရာမှ မယ်ဒက်ညီအစ်မတည်ထားခဲ့သည့်ဘုရား ဖြစ်ကြောင်း ကျောက်စာနှင့်တကွတွေ့ရှိရသည်။ ဆရာတော်နှင့်ဦးထွေးကျော်တို ညှိနှိုင်းကြပြီးဘုရားကိုပြန်လည်ပြုပြင်တည်ထားကြသည်။ထိုနေရာ၌ပင် စေတီတော်ကြီးအားတည်ထားရာ၌                                                  (၁)၁၂၆၃ခုနှစ် ကဆုန်လဆန်း၁၅ရက်နေ့တွင် အုတ်မြစ်တော်ချသည်။                      (၂)ဖိနပ်တော်သည်  အရှေ့မှအနောက်(၅၄)တောင် တောင်မှမြောက်(၅၄)တောင်                    ဉာဏ်တော်     အမြင့်မှာ (၅၄)တောင်ရှိပါသည်။                                                    (၃)အရန်စေတီပေါင်း(၁၁၂)ဆူရှိသည်။                                                                              (၄)၁၂၆၅ခု၊ တန်ဆောင်မုန်းလတွင် အောင်မြင်စွာပြီးစီးသည်။