အာရုံခံတန်ဆောင်းတော်ကြီးကို လျောင်းတော်မူဘုရားကြီး၏ မျက်နှာတော်ဘက် အလယ်ဗဟိုတွင် အလျား (၉၀)ပေ၊ အနံ(၄၅)ပေ၊ အမြင့် (၁၈)ပေဖြင့် တည်ဆောက်ထားသော ျွဃ သွပ်မိုး တန်ဆောင်းတော် ကြီးဖြစ်ပါသည်။ လျောင်းတော်မူဘုရားဝင်းအား အဆောက်အဦးကို များစွာ တည်ဆောက်ထားခြင်း မရှိဘဲ လျောင်းတော်မူဘုရားကြီးအား ၎င်းင်းအဆောက်အဦးအတွင်းမှ ဖူးမြော်နိုင်ပါသည်။ တန်ဆောင်းတော်ကြီး ၏ နောက်ကျောဘက်တွင် ရှင်ဥပဂုတ္တ ရေကန်တော်ကြီးရှိခြင်းကြောင့် လေအေးများ အစဉ်အမြဲ တိုက်ခတ်လျက် ရှိကာ ဘုရားဖူးများအတွက် နားနေနိုင်ရန်အတွက်လည်း ကောင်းပါသည်။ တန်ဆောင်းအတွင်းတွင် ဓမ္မစကြာ တရားဦးဟောကြားဟန် ဗုဒ္ဓရုပ်ပွားတော်ကို ပလ’င်ပေါ်တွင် သပ္ပါယ်စွာ ဖူးတွေ့နိုင်ပြီး တူးဖော်ရရှိသော နှစ်ပေါင်း ငါးရာကျော်သက်တမ်းရှိ သဲကျောက်ဘုရားများ၊ ဘုရားကြီးတည်ဆောက်ပုံနှင့် ထူးဆန်းသောဓာတ်ပုံများကို လည်း ပြသထားပါသည်။ တန်ဆောင်းတော်ကြီးကို အင်္ဂတေပန်းတော့လက်ရာများဖြင့် ခြယ်မှုန်းထားပြီး ခန့်ညား ထည်ဝါသော တန်ဆောင်းတော်ကြီးဖြစ်ပါသည်။